ҚР СИМ Тұтынушылардың құқықтарын қорғау комитетінің төрағасы Асқар Тынысбеков ОКҚ алаңында өткен баспасөз конференциясында Мәжілісте «Тұтынушылардың құқықтарын қорғау туралы» Заңның жаңа редакциясының жобасы қаралып жатқанын айтты.
Заң жобасы Мемлекет басшысының тапсырмасы бойынша, азаматтардың өтініштерін талдау және мониторинг жүргізу, қоғамдық институттардың ұсыныстары және әлеуметтік зерттеу деректерінің нәтижелерін ескере отырып әзірленді.
2024 жылғы 4 қыркүйекте Парламент Мәжілісінің депутаттары заң жобасын бірінші оқылымда мақұлдады. Құжат тұтынушылардың құқықтарын қорғаудың қоғамдық институттарының рөлін күшейтуге, оның ішінде, осы салада Омбудсмен институтын енгізу арқылы; кәсіпкердің азаматтық құқықтық жауапкершілігін айыппұл түрінде енгізуге бағытталған.
Сонымен қатар билеттер бойынша қайтарылмайтын тарифтер Заңнан алынып тасталды.
«Жаңа заң жобасында онлайн саудада тұтынушылардың құқықтарын қорғауды күшейту үшін бөлек электрондық сауда бөлімі енгізіледі», — деді спикер.
ҚР СИМ Тұтынушылардың құқықтарын қорғау комитеті
