Ағымдағы жылдың 24 маусымында Тараз қаласындағы «Автогид» сауда орталығында шартты өртті сөндіру бойынша өрт-тактикалық оқу-жаттығуы ұйымдастырылып, өткізілді.
Өрт-тактикалық оқу-жаттығуды өткізудегі негізгі мақсат:
— оқу-жаттығуға қатысушыларды ықтимал өрттерді сөндіруге баулу;
-ғимараттың өрт-техникалық сипаттамасымен және өрт сөндіру құралдарымен танысу;
— өрт кезінде адамдарды құтқару және эвакуациялау жұмыстарын жүргізу;
— жедел қызметтердің өзара әрекетестік жұмыстарын арттыру болып табылады.
Жаттығу ойламасы бойынша Тараз қаласы «Автогид» сауда орталығының сауда бутиктерінің бірінде электр сымдарының қысқа тұйықталуы нәтижесінде өрт оқиғасы орын алады.
Біріңғай кезекшілік байланыс қызметінің бағыттаушыларымен №2 жоғарғы шақыртуы жаряланып, шартты өртке Тараз қаласы гарнизонының өртке қарсы қызметінің күштері мен құралдары жөнелтіледі.
Аталған оқу-жаттығуға Жамбыл облысы ТЖД Өрт сөндіру және авариялық-құтқару жұмыстары қызметінен 30 адам жеке құрам мен 4 техника жұмылдырылды. Сондай-ақ, газ авариялық-құтқару қызметі, жедел жәрдем медициналық қызметі, полиция қызметі, Апаттар медициналық орталығының қызметтер де оқу-жаттығуға қатысты.
Айта кеткен жөн, мемлекеттік өрт сөндіру қызметі келіп жеткенге дейін нысан тұлғаларымен алғашқы өрт сөндіру жұмыстары мен адамдарды қауіпсіз орынға көшіру әрекеттері пысықталған болатын. Арада көп уақыт өтпей өрт сөндіруші-құтқарушылар да оқиға орнына келіп жетті. Туындаған өрт оқиғасы орнында 2 өрт сөндіру жауыынгерлік участогы ұйымдастырылып, өрт ошағын сөндіруге 7 «В» оқпандары қолданылды. Газ-түтіннен қорғау қызметінің 2 буыны құрылып, қауіпсіздік бекеттері қойылды.
Шартты өрттің алаңы 60 шаршы метрді құрады. Өрт оқиғасы орнынан 4 зардап шегуші құтқарылып, 20 адам қауіпсіз орынға көшірілді.
Нәтижесінде бөлімшелердің алдына қойылған тапсырмалар тиісті деңгейде орындалып, шартты өрт сөндірілді.
Оқу-жаттығу нәтижесі бойынша жетістіктер айтылып, кемшіліктер ескертілді. Айта кеткен жөн, аталған оқу-жаттығу облыстық «77 ТВ» арнасымен түсіріліп, жаңалықтар топтамасынан көрсетілмек.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
