2013 жылдың қараша айының 6-жұлдызында сағат 22.00 шамасында Т.Рыскұлов АПБ-не, Құлан ауылының 56 жастағы тұрғыны 2 белгісіз тұлғаның автокөлікте келе жатып, оған қатысты қарақшылық әрекеттерін жасап, пышақпен дене жарақаттарын салғаны туралы арызданды.
Аталған дерек бойынша Т.Рысқұлов АПБ-мен ҚК-тің (1997 жылғы басылым) 179-бабы 2-бөлігімен (Қарақшылық) қылмыстық іс қозғалған.
Ағымдағы жылдың 24 тамызында Т.Рысқұлов аудандық Полиция бөлімінің қызметкерлерімен жедел-іздестіру іс-шараларын жүргізу барысында, аталған қылмысты жасаған Жамбыл облысы, Т.Рысқұлов ауданының 1997 және 1995 жылы туылған күдіктілерді анықтап ұсталып, екі ай мерзімге қамаққа алынды.
Қазіргі таңда сотқа дейінгі тергеп-тексеру әрекеттері жүргізілуде, күдіктілер өздері жасаған қылмыстарын толық мойындады.
Сонымен қатар, Қазақстан Республикасы ҚПК-нің 201-бабының талаптарына сәйкес сотқа дейінгі тергеп-тексеру деректері тергеу мүддесіне орай жариялауға жатпайтынын еске саламыз.