Өткен 2025 жылдың осы кезеңімен салыстырғанда сервиске деген сұраныс айтарлықтай артқан. Бұл туралы «Азаматтарға арналған үкімет» мемлекеттік корпорациясының» Жамбыл облысы бойынша филиалы хабарлайды.
Дербес менеджер қызметі мемлекеттік қызметтерді жалпы кезекте күтпестен жеке форматта алуға мүмкіндік береді. Маман құжаттарды рәсімдеудің барлық кезеңінде қызмет алушыны сүйемелдеп, кеңес береді және қажетті қызметтерді жедел алуға көмектеседі. Салыстырмалы түрде айтсақ, 2025 жылдың осы кезеңінде бұл қызмет түрін өңірдің 328 тұрғыны пайдаланған. Осылайша, сервиске деген сұраныс артып келе жатқаны байқалады.
«Дербес менеджер қызметіне ең жоғары сұраныс Байзақ аудандық ХҚКО-да тіркелді, мұнда қызметті 89 адам пайдаланған. Екінші орында — Тұрар Рысқұлов ауданының ХҚКО-сы, онда 72 адам жүгінген. Үшінші орында — Тараз қаласы, мұнда қызметті 63 адам пайдаланған. Дербес менеджер сервисі мемлекеттік қызметтерді алу ыңғайлылығын арттыру және қызмет алушылардың уақытын үнемдеу мақсатында іске қосылған. Бұл әсіресе уақыты тығыз тұрғындар үшін қолайлы », — деді «Азаматтарға арналған үкімет» мемлекеттік корпорациясының»Жамбыл облысы бойынша филиалының директоры Батырхан Тоқтағұл.
Дербес менеджерге талонды және толығырақ ақпаратты ХҚКО—дағыресепшн қызметінен алуға болады. Қызмет құны — 5 697 теңге.
Естеріңізге сала кетейік, өңір тұрғындары дербес менеджерді үйге шақыру қызметіне де тапсырыс бере алады. Сонымен қатар дайын құжаттарды тәулік бойы жұмыс істейтін постоматтар арқылы алуға немесе көрсетілген мекенжайға жеткізу қызметін рәсімдеуге мүмкіндік бар.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
