Ағымдағы жылдың мамыр айы қорытындысымен облыс аумағында қылмыс пен құқық бұзушылықтың профилактикасына бағытталған бір қатар іс-шаралар атқарылған,нәтижесінде облыс аумағында қоғамдық орындарда жасалған қылмыстардың саны —12,7% (850-ден 742) төмендеген, оның үлес салмағы 26,2% төмендеген (2021 ж.- 29,7%). Бұл туралы Turaninfo.kz ақпарттық агенттігі хабарлайды.
Көшеде жасалған қылмыстар саны облыс бойынша —7,5% (413-тен 382) төмендеген, оның үлес салмағы 13,5% төмендеген (2021 ж.- 14,4%). Қылмыстардың алдын алу мақстында жыл басынан облыс аумағында 5 «Құқықтық тәртіп» жедел профилактикалық іс-шарасы өткізіліп түсіндіру жұмыстары жүргізілген.
Сондай-ақ, облыс аумағында құқық бұзушылықтардың алдын алу мақсатында қалалық және аудандық полиция бөлімдерінің жеке құрамын жұмылдыра отырып 150-ден астам локалдік ісшаралар атқарылған.
Кәмелет жасқа толмаған тұлғалармен жасалған қылмыс саны облыс бойынша 12,8% (39-дан 44) өскен.
Қылмыс түрлерінің өсуі себептері мен жағдайлары:
Бұзақылық дерегінің 6-ның 4 дерегі өткен жылдан ауыспалы түрде кірген.
Бөтен мүлкін ұрлаудың өсуі жәбірленушілер мен күдіктілердің арасында әртүрлі әлеуметтік жағдайға байланысты, атап айтқанда қылмыс субъектілерінің өздерінің қаржылық жағдайларын жақсарту мақсатында жасаған.
Жасөспірімдер қылмыстарының өсу себептері ең алдымен жасөспірімдер тәрбиеленетін отбасылардың материалдық деңгейінің төмендігі, моральдық қағидалардың төмендеуі, әлеуметтік желілерде агрессиялық мінез-құлқын насихаттау, ата-аналардың өз балаларына қадағалаудың болмауы екенін атап өткен жөн.
Жоғарыда айтылғандай, егер қылмыстық жауапкершілікке тартылған колледж студенттерінің, сондай-ақ жұмыс істемейтін және оқымайтын жасөспірімдер бойынша саны тіркелген болса, онда мектеп оқушылары бойынша өсім байқалады. Талдау барысында, қылмыстарды жасөспірімдер мектептер мен колледждердің аумағынан тыс жерде жасағанын атап өткен жөн, яғни оқудан тыс уақытта, аймақтық инспекторлар қазір әкімшілік учаскелер аумағында, бекітілген оқу орындарына тұрақты кестеге сай барып жұмыс жүргізеді, қалған уақытта оқушы ата-аналар қарауына өткен кезде орын алған.
Жасөспірімдер қылмысының алдын алу шараларынан басқа, кәмелетке толмағандарға қатысты қылмыстардың, оның ішінде жасөспірімдердің жыныстық тиіспеушілігіне қарсы қылмыстардың алдын алу бойынша жұмыстар тұрақты жүргізілуде.
Жыл басынан 1086 бірлескен рейд ұйымдастырылып оның 618 мектеп жанындағы рейдтік іс-шаралар. Рейд барысында әкімшілік құқық бұзушылық жасағаны үшін 4588 жасөспірім жеткізілген спирт ішімдіктерін қолданғаны үшін — 9, бұзақылықпен — 23, оқудан жалтару, қаңғыбастығы және қайыршылығы үшін — 331 кәмелетке толмағандар бейімдеу орталығына орналастырылған, түнгі уақытта қадағалаусыздығы жүргендері үшін — 2827 хаттама толтырылып 28 жағдайда спирт ішімдік ішудің жолы кесілген.
Қылмыс субъектілері бойынша – отбасы-тұрмыстық саладағы 20 деректен, 19 жұмыссыз тұлғалар жасаған, 1 психикалық бұзушылығы бар тұлға жасаған.
Осындай құқық бұзушылықтар жасауға ықпал ететін негізгі факторлар, қолайсыз әлеуметтік-экономикалық жағдайлардың ықпалы – яғни отбасыдағы қаржылай-тұрмыстық тұрақсыздық, жұмыссыздықтың, ішкілік, адами құндылықтардың құлдырауы, қызғаныш және материалдық жетіспеушілік, нәтижесінде зорлық-зомбылық субъектісінің жалпы психологиялық тұрлаусыздығы.
Отбасы-тұрмыстық салада жалпы профилактика бөлігінде ағымдағы жылы облыс аумағында «Тұрмыс», «Құқық тәртібі» ж.б. профилактикалық іс-шаралар өткізілген.
Әйелдерді зорлық-зомбылықтан қорғау бөлімшелерінің қызметкерлерімен әйелдердің құқығы мен отбасы тақырыбында 158 сөз сөйлеу өткізілген, соның ішінде ТВ -4, баспада -29, интернет-ресурстарда-45, сайт-пабликтерде — 45. Барлығы 35 дәріс, семинар, тренингтер және басқа да профилактикалық шаралар өткізілген.
Профилактикалық шараларды өткізу кезінде жергілікті полиция қызметі білім беру, денсаулық сақтау, еңбек және халықты әлеуметтік қорғау, әйелдер ісі және отбасы-демографиялық саясат, қоғамдық бірлестіктер және үкіметтік емес ұйымдармен, сондай-ақ «Қоғамдық келісім» (Аналар кеңесі, ақсақалдар кеңесі және жастар саясаты) ішкі саясат басқармасымен тығыз әріптестікте жұмыс атқаруда.
Тараз қаласында 2014 жылдың қазан айынан бастап, отбасыда зорлық-зомбылықты бастан кешкен және өмірдің қиын жағдайына ұшыраған әйелдер үшін 27 төсек-орынға есептелген «Дағдарыс орталығы» қызмет етеді.
Жыл басынан бастап, осы орталық 67 кәмелет жасқа толмаған балалармен 31 әйелге пана берді.
Сондай-ақ қала аумағында 2014 жылдан бастап «Аналар үйі» арнайы пана қызмет атқарады. Осы ресурстық орталықта 5 төсек-орын қаралған, онда қаржылай себептермен өмірдің қиын жағдайына ұшырап, балаларын босану үйінде қалдырғысы келетін емізулі балалары бар жас әйелдер өмір сүре алады. Осы жылы аталған панажайға 7 емізулі балаларымен 6 әйел жолданған.
Қазіргі уақытта осы жұмыс жалғасуда.
Ақпарат Жамбыл облысы әкімдігі ішкі саясат басқармасының тапсырысымен дайындалды
Жатқанбай Әділет
