Ел біріншілігіне еліміздің барлық өңірінен келген 400-ге жуық былғары қолғап шебері қатысып, өзара мықтыны анықтады. Байрақты бәсекеде Жамбыл облысының боксшылары жоғары нәтиже көрсетіп, жалпыкомандалық қоржынға 11 медаль салды. Оның ішінде 1 алтын, 3 күміс және 7 қола жүлде бар.
Атап айтқанда, 50 келі салмақ дәрежесінде өнер көрсеткен Нұрзат Оңғаров қарсыластарынан басым түсіп, Қазақстан чемпионы атанды.
60 келі салмақта сынға түскен Бибарыс Жексен, 70 келіде өнер көрсеткен Елнұр Сүйінбай және 48 келі салмақтағы Айгерім Сәттібаева күміс жүлдеге қол жеткізді.
Ал қола жүлдегерлер қатарында 60 келі салмақта Рамазан Орынбасар, 65 келіде Илья Калинин, 75 келіде Әбілхан Аманқұл, 80 келіде Диас Молжігітов бар.
Сондай-ақ 54 келі салмақта Сымбат Әлиасқар, 65 келіде Назерке Серік және 75 келі салмақта Жібек Жарасқызы чемпионаттың қола жүлдесін иеленді.
Осылайша, Әулиеата боксшылары ел біріншілігінде жоғары шеберлік танытып, өңір мерейін үстем етті. Жамбылдық спортшылардың 11 медаль жеңіп алуы – өңірдегі бокс спортының әлеуеті мен жүйелі дайындықтың нәтижесі.
Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
