Бірінші орында – Жамбыл облысы әкімінің орынбасары қызметіне қатысты жасалған жаңа саяси қадам туралы «Жамбыл облысы әкімінің орынбасары жаңа саяси қадамға барды» тақырыбындағы мақала. Өңірлік басқару жүйесіндегі бұл маңызды шешім мен басшылық құрамдағы өзгерістер қоғамда қызу талқыланып, оқырман тарапынан ең жоғары қызығушылық пен белсенділікке ие болды.
Екінші орынға елдегі және өңірдегі ауқымды тағайындаулар туралы ақпараттық блок тұрақтады. Роман Склярдың ҚР Президенті Әкімшілігінің Басшысы болып тағайындалғаны турасындағы «Дәдебай орнына Скляр жайғасты» атты, сондай-ақ облыстық Ақпарат және қоғамдық даму басқармасы орынбасарының тағайындалуы жайлы «Ақпарат және қоғамдық даму басқарма басшысының орынбасары тағайындалды» атты мақала мен жаңадан құрылған юалалар құқығын қорғау басқармасына тағайындалған жаңа басшы туралы «Жамбыл облыстық балалардың құқықтарын қорғау басқармасының басшысы тағайындалды» атты материал кадрлық саясатты жіті бақылайтын аудиторияның назарын аударды.
Үшінші орында – қоғамдық-саяси өмірдегі маңызды қозғалыстар. Жаңадан құрылған «Әділет» партиясының бірінші төрағасының сайлануы хақындағы «Жаңа құрылған «Әділет» партиясының 1-ші төрағасы сайланды» және Қаңтар оқиғасынан кейін танылған белсенділердің осы партия қатарына қосылуы төңірегіндегі «Қаңтар оқиғасынан» кейін танылған белсенділер «Әділет» партиясына өтті ме?» деген сынды ақпараттар оқырмандар арасында кеңінен таралды.
Төртінші сатыда әлеуметтік резонанс тудырған Байзақ ауданындағы мектеп асханасында орын алған келеңсіздік пен жүргізілген тексеріс нәтижелері туралы«Байзақтағы мектеп асханасында бүлінген қырыққабат анықталды: тексеріс нәтижесі» материал орналасты. Балалар қауіпсіздігі мен әлеуметтік жауапкершілікті арқау еткен бұл зерттеу мақаласы көпшіліктің басты назарында болды.
Бестікті білім мен руханият саласындағы қос бірдей жағымды жаңалық қорытындылады. ҰБТ-дан 140 балл жинаған рекордшы Нұранат Бақытжанұлының зор жетістігі жайлы «Білім бәйгесінің дарабозы: жамбылдық Нұрқанат Бақытжанұлы ҰБТ-дан 140 балл жинады» атты материал мен Тараз төрінде өнерсүйер қауымды табыстырған «Avangard» поэтикалық жобасының жетінші кеші туралы “Біз сағынған көктем”: Таразда “Avangard” поэтикалық жобасының жетінші кеші өтті» деген тақырыптағы репортаж оқырманға ерекше рухани серпіліс сыйлады.
Жалпы, мамыр айындағы оқылым көрсеткіштері қоғамның ірі саяси қадамдар мен өзгерістерге, партиялық қозғалыстарға, әлеуметтік мәселелерге, білім мен заманауи ұлттық руханият саласындағы жетістіктерге ерекше қызығушылық танытатынын көрсетті. Turaninfo алдағы уақытта да оқырман сұранысына сай өзекті әрі сапалы контент ұсынуды жалғастырады.
