Ай бойы ел назарын өзіне аударған бұл материалдар қоғамдағы саяси, кадрлық және әлеуметтік үдерістердің нақты көрінісі болды.
Көш басында – кадрлық ауыс-түйіс
Тамыз айында оқылым көрсеткіші бойынша ең жоғары нәтижеге қол жеткізген материал – Ержан Әмірбекұлының жаңа қызметке тағайындалуы туралы ақпарат. Ел ішіндегі және басқару институтындағы кадрлық өзгерістер әрдайым аудиторияның жоғары қызығушылығын тудыратыны белгілі. Бірінші орынға шыққан «Ержан Әмірбекұлы жаңа қызметке тағайындалды» мақаласы да оқырмандардың жаңа тағайындаулар мен саяси реформаларға сергек қарайтынын кезекті мәрте дәлелдеді.
Партиялар бәсекесі мен саяси науқан – екінші орында
Рейтингтің екінші сатысын бірден екі саяси материал өзара бөлісті. Қазақстанның саяси сахнасындағы маңызды оқиғалар – партиялық тізімдердің бекітілуі мен мандаттардың бөлінуі халық тарапынан үлкен қолдау мен іздеуге ие болды. Соның ішінде ««Ауыл» партиясы Құрылтайға өтетін депутаттар тізімін бекітті» және ««Ақ жол» Демократиялық партиясы Құрылтайдағы депутаттық мандаттарды бөлді» деген тақырыптағы ақпараттар оқылым саны жағынан тең түсіп, екінші орынға тұрақтады.
Өңір тынысы және білім саласы
Үшінші орынға Жамбыл облысындағы жергілікті тағайындауға қатысты жаңалық жайғасты. Ел болашағы саналатын білім саласындағы жаңа өзгерістер мен жауапты мекеме басшысының тағайындалуы өңір жұртшылығы үшін өзекті тақырыпқа айналды. Сондықтан «Жамбылда білім саласында байқау мен конкурстарға жауапты мекеме басшысы тағайындалды» материалы ең көп оқылған үштікке енді.
Сараптама мен қоғамдық пікір
Төртінші және бесінші орындарды мемлекеттік деңгейдегі саяси тұлғалар мен қоғамдық сауалнама нәтижелері бөлісті. Төртінші орынды иеленген «Вице-Президент Ерлан Қарин немен айналысады?» сараптамалық материалы мемлекеттік саясат пен оның атқарылу механизмін түсіндіруімен оқырман ықыласына бөленсе, бесінші орындағы «Қазақстандықтардың басым бөлігі Қ. К. Тоқаевқа сенім білдіреді» мақаласы елдегі әлеуметтік көңіл-күй мен халықтың мемлекет Басшысына деген сенім деңгейін көрсетіп, тамыз айының үздік бестігін түйіндеді.
Түйіндей айтқанда, тамыз айында «Turaninfo.kz» оқырмандары көбіне кадрлық өзгерістерге, партиялық саясатқа және өңірлік маңызды жаңалықтарға басымдық бергені байқалады.
