Тілден артық қазына, тілден артық қасиет жоқ— деп қазақтың әйгілі жазушысы, қоғам қайраткері Ғабит Мүсірепов айтқандай әр тілдің өзіндік ерекшелігі болады. Кез келген халық үшін тіл маңызды құндылық, баға жетпес байлық болып табылады.
Тіл – әрбір халықтың мәдениеті мен тарихының айнасы. Тілді ардақтау – азаматтық қасиет, себебі ол ұлттық құндылықты, мәдени мұраны және дәстүрлерді сақтаудың негізі болып табылады. Тілді құрметтеу – бұл тек тілдік нормаларды сақтау ғана емес, сонымен қатар, оны дамыту, насихаттау және келешек ұрпақтарға жеткізу.
Тілдің қадірін түсіну, оны қолдану, әдебиет пен өнерде, ғылым мен білімде насихаттау – әрбір азаматтың міндеті. Тіл арқылы біз өз ойымызды, сезімімізді, мәдениетімізді білдіреміз. Сондықтан, тілге деген құрмет – әр азаматтың, қоғамның, мемлекеттің жауапкершілігі.
Тіл – қашанда ұлттың ұйтқысы. Сөзі өз тілінде шыққан халықтың егемендігі баянды, тұғыры қашан да биік. Қазіргі кезде мемлекеттік тілдің қоғам өміріндегі маңызы мен салмағы күн санап арта түсуде. Жас ұрпақтың тілі ана тілінде шығып, қазақ тілінде білім алуына, басқа да тілдерді жетік меңгеруіне толық мүмкіндік те бар. Өзге тілдің бәрін біліп, өз тілімізді құрметтеу үшін, ең алдымен, тілді білуге деген сүйіспеншілік пен махаббат туындауы керек деп ойлаймын.
Тілді ардақтау – бұл ұлттық бірлікті нығайту, мәдениетімізді әлемге таныту, жастарға өз тілінде білім алу мүмкіндігін беру. Осылайша, тіл – біздің рухани байлығымыз, ал оны ардақтау – біздің азаматтық борышымыз деп санаймын.
Тіл – адамзаттың ең маңызды коммуникациялық құралы. Ол адамдардың бір-бірімен қарым-қатынас жасауына, ой-пікір алмасуына, мәдениет пен дәстүрді сақтауға мүмкіндік береді. Тіл – тек сөздер мен грамматикалық құрылымдардың жиынтығы емес, ол халықтың рухани байлығы, тарихы мен мәдениетінің айнасы.
Тіл адамдардың өзара түсінісуіне, ойларын жеткізуіне көмектеседі. Ол жеке тұлғалар арасындағы қарым-қатынасты нығайтады.
Тіл – халықтың мәдениетін, дәстүрлерін, тарихын сақтап, ұрпақтан-ұрпаққа жеткізетін құрал. Әр тілдің өзіне тән ерекшеліктері мен құндылықтары бар.
Қазіргі жас ұрпаққа қазақ тілінің даналығымен оның тарихын тереңнен жеткізігу, оны құрметтеуге тілге деген сүйіспеншілікті үйрету керек деп ойлаймын.
Осы тұста мемлекет басшымыздың тіл туралы керемет айтылған сөзі еске түседі- «Қазақтың тілі – қазақтың жаны! Халқымыздың тарихы да, тағдыры да – тілінде. Мәдениеті мен әдебиеті де, ділі мен діні де – тілінде. В.Радлов айтқандай, қазақ тілі – ең таза әрі бай тілдің бірі. Тіл өткен тарихпен ғана емес, бүгін мен болашақты байланыстыратын құрал. Меніңше, тілдің тұғыры да, тағдыры да бесіктен, отбасынан басталады. Отбасында ана тілінде сөйлеп өскен бүлдіршіннің тілге деген ықыласы терең, құрметі биік болады».
Қазақстанда өмір сүретін әр азамат елін ойласа, ұлтының рухын ойласа, мемлекеттік тілді дамытуға үлес қосуы қажет. Қазақта «Тіл тас жарады, тас жармаса, бас жарады» деген керемет нақыл сөзде айтылғандай, тілдің құдіретін бүгінгі жас ұрпақ ерте сезінуі керек.
Тіл – адамзаттың ең құнды байлығы. Тіліміз біздің баға жетпес қазынамыз.
Тараз қаласының әкімшілік құқық
бұзушылықтар жөніндегі мамандандырылған
соты әкімшісінің бас маман – сот мәжілісінің хатшысы Б.Е.Төлен
