Дәл осындай идеологиялық іс-шаралар легінде мәдени-сауықтыру жұмыстары да бар. Бұл ретте жазасын өтеушілердің таным көкжиегін кеңейту мақсатында отандық туындылар да көрсетілуде.
Бүгін қауіпсіздігі барынша төмен №26 мекемесіндегі арнайы контингент өкілдеріне «Алға» кинофильмі көрсетілді. Аталған туынды облыстық «Халық шығармашылығы орталығы» қызметкерлерінің тікелей ұйытқы болуымен қойылды.
«Алға» – әкелерінің қазасынан соң қылмысқа бет бұрған ағайындылар жайлы фильм. Алайда олардың ауылына талантты жастарды іріктеу үшін жеңіл атлетикадан жаттықтырушы келуі – өмірлеріне өзгеріс әкеледі. Ағайындылардың бірі – марафондық жүгіруден әлем чемпионымен бәсекеге түседі.
Фильм Мәдениет және ақпарат министрлігі мен Ұлттық кино орталығының қолдауымен түсірілген. Отандық туындының продюсері – Максим Акбаров, ал режиссері – Ернар Нұрғалиев.
