Таразда “Учаске” жедел-профилактикалық іс- шарасы өткізілуде

Таразда “Учаске” жедел-профилактикалық іс-шарасы басталды, – деп хабарлайды Polisia.kz.

Шара аясында қалалық №1 пробация қызметкерлері қалалық Полиция басқармасы жергілікті полиция қызметінің учаскелік полиция инспекторларымен бірлесіп, пәтерлерді аралап, тәртіпті қадағалауда. Қыркүйек айында қасталған науқан желтоқсан айына дейін жалғасады.

Өткізілетін кезең ішінде учаскелік тәртіп сақшылары өздеріне бекітілген әкімшілік учаскесіндегі тұрғындармен танысу, сондай-ақ, әртүрлі құқық бұзушылықтарға жол берген адамдарды анықтау мақсатында аула және көп қабатты үйлерді тексереді. Бұдан бөлек, пробация қызметінің есебінде тұрған тұрғындар тексеріліп, олармен профилактикалық жұмыстар жүргізіледі.