Оқу жылының басынан бастап полиция қызметкерлері 300-ден астам дәрістер мен түсіндіру жұмыстарын өткізді. Полиция қызметкерлері тәуелділіктің дамуына әсер ететін факторлар, есірткі құралдары мен психоактивті заттарды қолданудың салдары, жол қозғалысы ережелерін сақтаудың маңыздылығы және балалар мен жасөспірімдер арасындағы құқық бұзушылықтар мен қылмыстарға жол бермеу туралы айтты.
Кездесулер аясында полицейлер оқушылармен заңсыз әрекеттер жасауға ықпал ететін жағдайларды және кәмелетке толмағандар құрбан болуы мүмкін жағдайларын талқылады. Сондай-ақ, балаларды салауатты өмір салтын ұстануға, бос уақытта белсенді демалуға шақырды.
— Кәмелетке толмағандар арасындағы қылмыспен аяқталған деректерді талдау көрсеткендей, құқық бұзушылардың көпшілігі бұрын полиция есебінде тұрмаған, тұрмысы нашар, аз қамтылған отбасыларда тәрбиеленетін балалармен орын алады. Жасөспірімдердің заңсыз ортаға тартылуының себептері көбінесе ұзақ мерзімді емес, олар психиканың салдарынан және заңдарды білмеуінен сол ортаға түсіп жатады.
Білім беру мекемелеріндегі кездесулеріміздің мақсаты-оқушылардың құқықтық сауаттылығын арттыру. Әр түрлі бөліністердің қызметкерлері балаларға өз тәжірибелерінде кездескен мысалдарымен бөлісе отырып заңсыз әрекеттердің салдары қандай болуы мүмкін екені түсіндірілді. Айта кетерлігі, балаларға мұндай сабақтар ұнайды және олар полиция қызметкерлеріне қызықты сұрақтарын да қояды, — деді ювеналды полиция тобының ерекше тапсырмалар жөніндегі аға инспекторы полиция полковнигі Қуанышбек Қалжанов.
