Жамбыл облысының мамандандырылған ауданаралық экономикалық сотының төрағасы Самат Таусаров «Jambyl» телеарнасының «1 СТУДИЯ» бағдарламасында мемлекеттік сатып алу саласындағы заңнаманың жаңалықтары туралы сөз сөйледі.
Спикер, мемлекеттік сатып алу туралы заңнамаға сәйкес, тапсырыс беруші не уәкілетті орган бұзушылық фактісі туралы өздеріне белгілі болған күннен бастап күнтізбелік 30 күннен кешіктірмей сотқа талап қоюмен жүгінуге міндетті екенін айтты. Алайда, Заңға енгізілген жаңа өзгерістер, егер жеткізуші тұрақсыздық айыбын (айыппұл, өсімпұл) төлесе, өз міндеттемелерін толық орындаса, сондай-ақ тапсырыс берушіге келтірілген залал болмаса, сотқа жүгінбеуге мүмкіндік беретінін атап өтті.
Сондай-ақ спикер осы санаттағы істердің соттылығы туралы, сотпен мұндай істерді қарау тәртібі мен мәнін және сотқа дейін дауды реттеу мүмкіндігі туралы айтып өтті.
Іс-шара соңында қызықтырған сұрақтар қойлып, оларға жан-жақты жауаптар берілді.
Дереккөз: Жамбыл облыстық соты
