Құқықтық мемлекеттегі Конституцияның басты рөлдері:
Қоғам мен мемлекеттің негізгі құқықтық негізі. Конституция мемлекеттік құрылымның, билік тармақтарының (заң шығарушы, атқарушы, сот) ұйымдастырылуы мен қызмет ету тәртібін белгілейді.
Азаматтардың құқықтары мен бостандықтарын қорғауы. Конституцияда адамның және азаматтың негізгі құқықтары, бостандықтары және міндеттері, бекітілген. Бұл құқықтар мен бостандықтар құқықтық мемлекеттің басты құндылығы ретінде танылады.
Биліктің заңмен шектелуін қамтамасыз етуі. Құқықтық мемлекетте билік органдары Конституцияға сәйкес әрекет етуге міндетті. Бұл биліктің еркін шексіздігін болдырмайды және заң үстемдігін орнатады.
Қоғамдық келісім мен тұрақтылықтың негізі. Конституция әртүрлі әлеуметтік топтар мен азаматтардың мүдделерін ескере отырып, қоғамда тұрақтылық пен келісімді қамтамасыз етеді.
Құқықтық нормалардың бастауы. Барлық заңдар мен нормативтік актілер Конституцияға сәйкес қабылдануы тиіс. Егер заң Конституцияға қайшы келсе, ол заңсыз деп танылады.
Қорытындылай келе, Конституция – құқықтық мемлекеттің өзегі. Ол мемлекеттік билікті шектейді, азаматтардың құқықтарын қорғайды және құқықтық тәртіптің негізін қалайды. Осы арқылы Конституция құқықтық мемлекеттің тұрақты әрі әділетті дамуына жағдай жасайды.
Тараз қаласының әкімшілік құқық
бұзушылықтар жөніндегі мамандандырылған
сотының бас маман – сот отырысының хатшысы А.Казкенова
