2005 жылы Үлгілі ауылының тұрғындары жер үлестерімен бірге “Үлгілі 2005” ЖШС құрған болатын. Серіктестік құрылғанда жүзден астам құрылтайшы болған еді. Құрылтайшылар өз жер көлемдеріне байланысты үлестерін алып отырған. Бірақ бір кезде олардың учаскелері үлескер болып табылмайтын адамдарға сатылып кеткені белгілі болды. Құжаттарға сәйкес, аудан әкімдігі заңсыз қол қойылған қағаздарды басшылыққа алып бір азаматшаға ЖШС-нің 384 гектар жерінің иесі болып кеткен.
«Ақылжан-2017» ӘКК басшысы Асылбек Мейіржан 2,5 пайызбен несие алып, комбайн, тракторлар сатып алғанын айтты. «Үлгілі 2005» ЖШС басшысымен және үлескерлермен тек «Ақылжан-2017» СПК егіс және егін жинау жұмыстарымен айналысатыны келісілді. Бірақ ЖШС жерлеріне басқа біреудің де мемлекеттік актысы бар болып шықты. Мұны білген ауыл тұрғындары дау көтере бастады.
Байзақ ауданы прокуроры Жандарбек Сұлтанбекұлы айтуынша:
Байзақ ауданының прокуратурасы 2019 жылы Байзақ ауданы әкімінің қаулысы негізінде «Үлгілі 2005» ЖШС-нің 384 гектар жерін бір азаматтың 37 жылға заңсыз пайдалануына заңсыз берілгендігін анықтады. Бүгінде жер телімдері ЖШС-не қайтарылды. Осылайша 106 азаматтың құқығы қорғалды
Прокуратура заңсыз алынған жерлерді қайтару бойынша жұмыстарды жалғастыратынын айтты.
