Қазақстан Республикасы Ішкі істер министрлігінің  және Жамбыл облысының ең үздік тергеушісі-  полиция капитаны Ғани  Қиқымбаев

Аға тергеуші полиция капитаны Ғани Қуанышұлы Кикымбаев Шу ауданының полиция бөлімінде қызмет атқарады. Ол үш  мәрте, яғни  Жамбыл облысында- екі  рет және Қазақстан Республикасы  Ішкі істер министрлігінің 2020 жылдың таңдауы бойынша өткізілген байқауда   «Жылдың үздік тергеушісі» болып танылды.  

Ғани  Қиқымбаев 1990 жылы Шу ауданының  Төле би ауылында мемлекеттік қызметкерлер отбасында дүниеге келген. Ата-анасынан ерте айрылған  Ғани  екі ағасымен бірге  нағашы  ата-әжесінің отбасында тәрбиеленді. Олар балаларды  лайықты азамат етіп өсіруге  барынша күш салды. 

Ғани бала кезінен полиция қызметкері болуды армандады. Мектепте ол өзін осы  күрделі, білім мен біліктілікті, қажыр-қайратты талап ететін  мамандыққа дайындады,  спортпен шұғылданып, жақсы оқыды. Сондықтан 2008 жылы М.Мақатаев атындағы ауылдағы  орта мектепті бітіріп, «Әулие-Ата» Жамбыл гуманитарлық- техникалық  университетінің  заң факультетіне оқуға түсті. Университетті ойдағыдай аяқтап,  2014 жылдың 31 мамырында Жамбыл облысы Полиция департаментінің штатына қабылданып, өзінің туған Шу ауданына қызметке жіберілді. Сол шақтан бастап ол осында қызмет атқаруда.

Өкінішке орай, бұл күндері  арамызда  жоқ,  аға тергеуші полиция майоры Ербол Жолаханұлы Жаманқұлов қызметтің алғашқы күндерінен бастап  Ғ. Қиқымбаевты  өз қамқорлығына алды. Ол тек жұмыста ғана емес, сонымен қатар көптеген өмірлік мәселелерде  оған тәлімгер болды. Тәжірибелі тергеуші жас қызметкермен кәсіби тәжірибесімен, сондай-ақ  қылмыстық істерді тергеудің құпияларымен бөлісті. Ғани үлкен алғыс сезімімен  ұдайы өзінің  аға  әріптесін  жиі еске алады.

Жас тергеуші полиция капитаны Ғани  Қиқымбаев өзінің  мүлтіксіз  және кәсіби қызметімен тек полицейлер арасында ғана емес, сондай-ақ бейбіт тұрғындар арасында да лайықты бедел мен құрметке ие. Оның есебінде көптеген ашық резонанстық  дүрбелеңдер тудырған қылмыстар дерегі  бар. Іс жүзінде ай сайын ол 10 және одан да көп қылмыстық іс бойынша  процессуальдық  шешім  қабылдау үшін  іс материалдарын сотқа жолдайды.

Қызмет атқарған кезеңде  ІІО және жергілікті атқарушы органдар желісі бойынша бірнеше рет көтермеленді. Ол ҚР ІІМ «Құқық тәртібін қамтамасыз етуге қосқан үлесі үшін» медалі, Полиция департаментінің, Шу ауданының полиция  бөлімі және әкімдігінің, «Нұр Отан»партиясының грамоталары мен алғыс хаттарымен марапатталған .

Полицейдің  жұмысының жақсы болуы   көбіне  отбасына байланысты. Ғани жұбайы Әсеммен бірге үш баланы, екі қыз бен бір ұл  баланы тәрбиелеп отыр. Жауапкершілігі жоғары қызметіне  қарамастан, ол отбасы үшін де уақыт табады, сондай-ақ  футбол ойнайды және   әнді жақсы  айтады. Бос уақытта ол балалармен бірге болуға тырысады, отбасымен табиғатқа демалуға барады, оларды ойын-сауық орындарына апарады.

Аға тергеуші полиция капитаны Ғани  Қиқымбаевтың өмірлік ұстанымы: «Отанға  қалтқысыз және адал қызмет ету қажет!»