ТАРАЗ. 2026 жылғы 21 қаңтар күні сағат 16:30 шамасында «Fresco» кафесінде ер адамға пышаққа ұқсас өткір затпен дене жарақаты салынды.
29 жастағы Тараз қаласының тұрғыны арқа тұсының төменгі бөлігінен жарақат алған. Ол жедел жәрдем қызметкерлерімен Тараз қалалық көпбейінді ауруханасына жеткізіліп, дәрігерлер «жамбастың төменгі бөлігінің ашық жарақаты» диагнозын қойған.
Аталған дерек бойынша бастапқыда ҚР ҚК-нің 293-бабының 3-бөлігімен (бұзақылық) қылмыстық іс тіркеліп, 2026 жылғы 22 қаңтарда іс 389-баптың 3-бөлігіне (өзінше билік ету) қайта дәрежеленген.
Күдікті берген жауабында оқиға кезінде жәбірленушімен бірге спирттік ішімдік ішкенін, кейін қаржылық мәселе бойынша сөзге келіспеушілік туғанын растаған. Оның айтуынша, қалтасында болған тырнақ алғыш құралдың үшкір темір бөлігін пайдаланып, жәбірленушіні бір рет жарақаттаған. Аталған зат оқиға орнын қарау барысында табылмаған.
Қазіргі уақытта оқиға куәгерлерін анықтауға бағытталған жедел-тергеу шаралары жүргізілуде.
Қылмыстық іс тергеу сатысында.
Видео оқиға орында:
TURANINFO.KZ
