Жамбыл облысы әкімдігінің табиғи ресурстар және табиғат пайдалануды реттеу басқармасының мәліметінше Жамбыл облысының аумағында 142 жергілікті маңызы бар балық шаруашылығы су айдындары және республикалық маңызы бар Балқаш көлінің 18 учаскесі бар. 2020 жылдың 1 шілдесінен 2021 жылдың 1 шілдесіне дейін облыс аумағындағы балық шаруашылығы су айдындарына балық аулау лимиті 1150,7 тоннаны құрады. Қазіргі таңда 1127,9 тонна балық ауланып (Балхаш көлінде ауланғаны 922 тонна, жергілікті су айдындарында ауланғаны 205,9 тонна), табиғат пайдаланушылардан жергілікті бюджетке 21,3 млн. теңге қаржы түскен. Бүгінде 48 аңшылық алқаптың 44-ті табиғат пайдаланушыларға бекітіліп берілген. Алдағы уақытта бос 4 аңшылық шаруашылықтар конкурс арқылы бекітіліп беріледі.
2020 жылдың 1 шілдесінен 2021 жылдың 1 шілдесіне жануарлар дүниесін пайдалануға, яғни, жабайы аң-құстың 17 түріне аңшылық жасауға, 65180 дарақ аулауға, оның ішінде 9352 аңға, 55828 құсқа квота бөлінген. Алдағы уақытта бөлінген квота табиғат пайдаланушыларға мемлекеттік көрсетілетін қызмет ҚР Ауыл шаруашылығы министрі міндетін атқарушының 2015 жылғы 30 сәуірдегі №18-03/390 бұйрығымен бекітілген «Жануарлар дүниесін пайдалануға рұқсат беру» мемлекеттік көрсетілетін қызмет қағидасына сәйкес рұқсат беріледі.
Жамбыл облысының аумағында 10 Ерекше қорғалатын табиғи аумақтар жұмыс жасауда. Оның ішінде Республикалық маңызы бар Ерекше қорғалатын табиғи аумақтар саны– 6, жергілікті маңызы бар Ерекше қорғалатын табиғи аумақтар саны–4. Мерке ауданы аумағында орналасқан «Меркі» мемлекеттік өңірлік паркті 115000 гектар аумақта құру ұсынылды. «Меркі» мемлекеттік өңірлік паркі құрылған жағдайда таудағы 2 аңшылық шаруашылығы жұмысын тоқтатады. Сондай-ақ, Т.Рысқұлов және Жамбыл аудандарының таулы аумақтарында аумағы шамамен 128846 га құрайтын «Сұлутөр-Ботамойнақ» қаумалын құру жұмыстары жүруде. Қаумал құрылған кезде таудағы 6 аңшылық шаруашылықтар: Таулы Луговой 39030 га, Қарақыстақ 20790 га, Сұлутөр 33280 га, Қайыңды 23980 га, Көгершін 19294 га, Ботамойнақ 6700 га жұмысын тоқтатады және ол жерде аң аулауға толық тыйым салынады.
Материал Жамбыл облысы әкімдігінің ішкі саясат басқармасының тапсырысы бойынша дайындалды
