ЖАС ОТАН СЪЕЗІ БАСТАЛДЫ

Бүгін Астана қаласында «Нұр Отан» партиясы «Жас Отан» жастар қанатының кезекті IV съезі өз жұмысын бастады деп хабарлайды «TURANINFO.KZ» ақпараттық агенттігі.
Съезге 600 — ге жуық делегат сайланып, 585 делегат қатысуда. Республикамыздың барлық өңірінен келген жасотандықтар алдында «Жас Отан» жастар қанатының төрағасы Данияр Сүндетбаев, бақылау-ревизия комиссиясының төрағасы Евгений Кочетов жаңа форматта есеп берді.
— «Бүгінгі таңда «Жас Отан» жастар қанатының қатарында 164 мың мүшесі бар, 16 аймақтық филиалдар, 171 аудандық бөлімшелер, 336 кәсіпорындар мен жоғарғы оқу орындарда бөлімшелеріміз бар. Орталық сайлау кеңесіне 32 адам сайланып Жарғымыздың жаңа үлгісі бекітілмек» — деді Данияр Сүндетбаев.
Түске дейін бірнеше топтарға бөлінген жасотандықтар түрлі сала бойынша пікір алмасады. Сондай-ақ әр түрлі жобалар бойынша жеңімпаздар анықталып, үздіктер марапатталады.