2023 жылғы 22 сәуірде сотталушы Н.Р. досының үйленуіне байланысты жиында болып, жиын болып жатқан үйдің жанында сотқа дейінгі тергеп-тексеру барысында анықталмаған пышақты тауып алып, оны қалтасына салып қойған. Содан кейін, Н.Р. спирттік ішімдік ішіп жүріп, басқа досы Н.Б.-ға қоңырау шалып, оның аталған жиында жоқтығын алға тартып, онымен қарым-қатынасын анықтау мақсатында соңғының үйіне барған. Сол кезде ортақ достары Б.Ж.-ның үйленуіне байланысты жиынына бармағаны бойынша наразылығын білдіріп, оны арандатып, ұрыс-керіс барысында өзінде болған пышақты шығарып, оны Н.Б.-ға көрсеткен, бірақ Н.Б. жанжалды болдырмау мақсатында үйіне кіріп кеткен.
Содан кейін, Н.Р. досы Н.Б.-ға қайта-қайта қоңырау шалып, онымен кездесуге қол жеткізіп, өзінде сотқа дейінгі тергеп-тексеру кезінде анықталмаған пышақты сақтап, жиын болып жатқан ауылдың көшелерінің біріне барып, шамамен сағат 21:00-де Н.Б.-мен қарым-қатынастарын анықтауды жалғастырған.
Н.Р.-ның арандатушылық әрекеттерінен Н.Б. екеуінің арасындағы ұрыс екі жақты төбелеске ұласқан, нәтижесінде екеуі жерге құлап, Н.Р. адам қазасы түрінде қоғамға қауіпті зардаптың туындауын алдын-ала біліп және соны қалап, өз әрекетінің осындай нәтижесіне саналы түрде жол беріп, сотқа дейінгі тергеп-тексеру кезінде анықталмаған пышақпен Н.Б.-ға бірнеше рет пышақ жарақатын, оның ішінде сол жақ иық артериясын зақымдаумен қолтық асты тұсына жақын сол жақ кеуде қуысына терең пышақ жарақатын салған, нәтижесінде көп мөлшерде сыртқа қан кетіп (жіті профузды қан жоғалту), Н.Б. ауруханада қайтыс болған.
Прокурор сотталушы С.Қ.-ға 12 жыл бас бостандығынан айыру түріндегі жаза тағайындауды сұрады.
Сот отырысында сотталушы Н.Р.пышақ жарақаттарын ол ұрыс-керістің барысында салғанын көрсетті және азаматтық талапты мойындады.
Кінә іс бойынша жиналған дәлелдемелермен: сотталушының сотқа дейінгі тергеп-тексеру кезінде күдікті ретінде және айғақтарды сол жерде нақтылау және тексеру барысында берген ретті және логикалық тұрғыдан байланысты жауаптары, іс бойынша сұралған куәлердің жауаптары, сараптамалардың қорытындыларымен, сондай-ақ қылмыстық істің өзге де материалдарымен дәлелденді.
Қылмыстық жауаптылық пен жазасын жеңілдететін мән-жайлар ретінде, сот оның шын жүректен өкінуін, қылмыстық құқық бұзушылық жасағаннан кейiн жәбірленушіге көмек көрсетуін табады.
Қылмыстық жауаптылық пен жазасын ауырлататын мән-жайлар ретінде, сот оның қылмыстық құқық бұзушылықты алкогольден масаң күйде жасағанын табады.
Сот үкімімен ҚК-нің 99-бабының 1-бөлігі бойынша Н.Р.-ға орташа қауіпсіздік қылмыстық-атқару жүйесі мекемесінде жазасын өтей отырып, 11 жылға бас бостандығынан айыру жазасы тағайындалды.
Үкім заңды күшіне енген жоқ.
