«Батыс Еуропа – Батыс Қытай» тас жолының 350-шақырымында Алматы бағытына қарай бара жатқан MAN маркалы ауыр жүк көлігі тоқтатылған.
Тексеру барысында көліктің алдыңғы мемлекеттік нөміріне бейнебақылау камераларынан жасыруға мүмкіндік беретін арнайы құрылғы орнатылғаны анықталды. Тәртіп бұзған жүргізуші — өзге елдің азаматы. Ол өз кінәсін толықтай мойындады.
Меркі аудандық сотының шешімімен шетелдік азамат ҚР Әкімшілік құқық бұзушылық туралы кодексінің 590-бабы, 4-бөлігі бойынша кінәлі деп танылды. Заңсыз әрекеті үшін оған бір тәулікке әкімшілік қамауға алу және бір жыл мерзімге көлік жүргізу құқығынан айыру жазасы кесілді.
