Бүгін Жамбыл ауданы Аса ауылында «Жамбыл ауданы әкімдігінің халықты жұмыспен қамту орталығы» КММ, Жамбыл ауданы пробация қызметі, Жамбыл облысы Жамбыл ауданы әкімдігінің дене шынықтыру және спорт бөлімі» КММ, «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастыруымен қол күрес, гір тасын көтеру, белтемірге тартылу бойынша жарыс өткізілді. Жарысқа барлығы 27 адам қатысып, «Жамбыл облысы жастар ұйымдарының Қауымдастығы» заңды тұлғалар бірлестігінің естелік сыйлыққа табыс етілді.
Жарыс нәтижесі бойынша 24 килограмдық гір тасын көтеру бойынша 25 рет көтерген Қайсар Айтжан бірінші орын, 19 рет көтерген ЕркебұланХаметдушаев екенші орын, 8 рет көтеріп қорытындылаған Еркебұлан Ақпанбетов үшінші орынға ие болды. Бел темірге (турник) 29 рет тартылған Арсен Тұрар бірінші орын, 25 рет тартылған Абылай Рыскулов екінші орын, 22 рет тартылған Алмат Мусабеков үшінші орын иеленді. Қол күрестен барлық қарсыластарын жеңген Саламат Саматұлы бірінші орын, Арсен Тұрар екінші орын, Абзал Абдулла үшінші орынға жайғасты. Барлық жеңімпаздарға дипломдар мен бағалы сыйлықтар табыс етілді.
Жарыс «2022 жылдың бас бостандығынан айыру орындарынан босатылатындар мен босатылғандарды және пробация қызметінде есепте тұратындарды қайта әлеуметтендіру» атты әлеуметтік жобасы аясында өткізілді.
Жоба мақсаты бас бостандығынан айыру орындарынан босатылғандар және босатылғандарға, сонымен қатар пробация қызметінде есепте тұрған азаматтарға психологиялық, әлеуметтік, заңгерлік құжаттамалар:
- практикалық түрлі құжаттамалар;
- тұрғылықты мекен жайды анықтау;
- аудан аумағында тіркелмеген болса, тіркеу жұмыстарына ықпал жасау;
- жұмысқа орналасу үшін қажет етілетін анықтамаларды алуға жәрдемдесу;
- жеке куәліктері болмаған жағдайда алуға жәрдемдесу және олардың мүліктік әлеуметтік құқықтарын қалпына келтіру және т.б. бойынша көмектер мен кеңестер беру.