Бүгін Жамбыл облыстық мәслихаттың экономика, бюджет, салық және жергілікті өзін-өзі басқару мәселелері жөнінде тұрақты комиссияның кезекті отырысы өтті. Негізгі мәселе Жамбыл облысы бойынша тексеру комиссиясының ағымдағы жылғы 28 наурызынан бастап 06 мамыры аралығындағы Қазақстан Республикасының Ұлттық қорынан жергілікті бюджетке бөлінген қаражаттың тиімділігіне мемлекеттік аудит нәтижесі болды. Аталған мәселе бойынша Жамбыл облысы бойынша тексеру комиссиясының мүшесі Нұржан Шалғынбайұлы Тұрлыбеков баяндама жасап, мемлекеттік аудит объектілері актілерінің анықталған бұзушылықтарының жалпы сомасы 27 359,6 мың теңгені құрағанын оның ішінде өтелуге жататыны 23 593,7 мың теңге екендігін атап өтті. Аталған кемшіліктер Қазақстан Республикасының Бюджет Кодексінің 97-бабы 6-тармағының талаптары сақталмай қысқы уақытта құрылыс-монтаждау жұмыстарын жүргізу кезіндегі қосымша шығындар келтіру салдарынан орын алған.
Сонымен қатар, «Байзақ ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» бойынша -10 099,0 мың теңге, «Жамбыл ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» бойынша — 6 393,2 мың теңге, «Т.Рысқұлов ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» бойынша — 4 856,1 мың теңгені өтеу бойынша тиісті шаралар қабылданып жатқандығы туралы аталған аудандар әкімінің орынбасарлары мен әкімдіктің бөлім басшылары баяндама жасады.
Нәтижесінде, тұрақты комиссия мүшелері алдағы уақытта орындалған құрылыс-монтаж жұмыстарының бекітілген жобалау-сметалық құжаттама талаптарының сақталмауына, олардың сәйкессіздігіне жол бермеу және орын алған заң бұзушылықтарға жол берген қызметкерлердің тәртіптік жауапкершілігін қарау жөніндегі қаулы қабылдады.
Күн тәртібіне қойылған өзге де мәселелер жан-жақты талқыланып, тиісті ұсыныстар енгізілді.
Қабылданған қаулылардың орындалуы тұрақты комиссияның бақылауында болады.
