Таразда Халықаралық «Визуалдаудың заманауи құралдарын қолдана отырып, мультидисциплинарлық эндохирургиялық тәсіл» атты ғылыми- практикалық конференция өтті.
Қазақстандық эндоскопиялық хирургтар Ассоциациясының Президенті, м.ғ.д., профессор, ҚР еңбек сіңірген қайраткері Владимир Котлобовский бастаған Украина, Мәскеу және Қазақстан ғалымдарынан құралған топ 1 апта бойы Тараз қалалық көпбейінді, Жамбыл облыстық көпбейінді, облыстық көпбейінді балалар ауруханасында шеберлік сыныптарын жасап, күрделі отадан кейінгі асқынулардың алдын алу және оларды эндоскопиялық құралдардың көмегімен емдеу жөніндегі тәжірибелермен бөлісіп, ересектер мен балалар арасындағы қауіпсіз эндохирургия бағытында тренажерлар мен симуляторлармен практикалық сабақтар өткізді.
Биыл Қазақстан Республикасында алғашқы эндобейнехирургиялық операция жасалғанына 30 жыл толады. Тәуелсіздігіміздің 30 жылдығымен тұспа-тұс осы кезеңде бұл әдіс талай сынақ пен тәжірибелерден өтті, дегенмен бүгінде ол ірі ғылыми клиникалардан бастап, орталық аудандық ауруханаларға дейін хирургиялық көмек көрсетудің барлық деңгейлерінде кеңінен қолданылуда.
Осы уақыт ішінде отандық денсаулық сақтау саласында айтарлықтай өзгерістер болды: кардиология және кардиохирургия, диагностика, емдеудің жоғары технологиялық әдістерін енгізу – осының барлығы орташа өмір сүру ұзақтығын арттыруға, өмір сүру сапасын арттыруға мүмкіндік берді. 2020 жылы пайда болған COVID-19 пандемиясы материалдық- техникалық базаны нығайту, инфрақұрылымды жаңғырту, медицина персоналының кадрлық кәсіптік деңгейін арттыру секілді мәселелердің кезек күттірмейтіндігін көрсетті.
Қазақстанның Тәуелсіздік жылдарында қауіпсіз бейнеэндохирургия медицинаның түрлі салаларында, соның ішінде балалар хирургиясында айтарлықтай серпіліс жасады.
ХХ ғасырдың 80-ші жылдарының соңында арнайы құрылғылар, құралдар, оптикалық құрылғылар және теледидар техникасы пайда болды, бұл кішкентай пункциялар арқылы кең кесусіз стандартты қуыс хирургиясын жүргізуге мүмкіндік берді.
Салыстырмалы түрде аз уақыт ішінде эндохирургия бүкіл әлемді жаулап алды, мамандардың пікірінше, асептика мен антисептиканың, интубациялық анестезияның және басқа да ұлы жаңалықтардың ашылуымен салыстыруға болады.
Эндобейнехирургия — хирургиялық емдеудің қазіргі заманғы бағыты, оған — операциядан кейінгі дәстүрлі тыртықтардың болмауы, жүргізілетін операциялардың аз жарақаттануы, пациенттерді жылдам оңалту және бұрынғы тыныс-тіршілігіне оралу тән.
Лапароскопиялық операциялардан кейін асқынулар саны және араласудан кейінгі еңбекке жарамсыздық кезеңінің орташа ұзақтығы дәстүрлі хирургиялық емдеумен салыстырғанда 1-2 айдан 3-7 күнге дейін күрт төмендейді. Ғалымдардың тәжірибесі мен білімі – Жамбыл облысында эндобейнехирургияның одан әрі дамуына септігін тигізетіні сөзсіз.
Жамбыл облысының әкімі Бердібек Сапарбаев конференцияға өзі келіп, шет елдік және Қазақстандық ғалымдардың Тараз қалалық көпбейінді ауруханасының базасында бір аптадан бері 33-тен астам түрлі эндобейнехирургияның шеберлік сыныбын өткізіп, ергілікті хирургтар мен дәрігерлерге тәжірибелік сабақтар жүргізді. Конференция барысында Жамбыл облыстық көпбейінді ауруханасына лазерлі электрохирургиялық кешен сатып алу үшін 40 миллион теңгенің сертификаты табыс етілді.
Суреттерді түсірген Юрий Ким
Денсаулық сақтау басқармасының баспасөз қызметі
