2021 жылғы 10 маусымда Жамбыл облысы Төтенше жағдайлар департаментінің Өрт сөндіру және авариялық-құтқару жұмыстары қызметтері Мемлекеттік мекемесінің өрт сөндіру бөлімшелерімен Тараз қаласы, Мыңбұлақ шағын ауданы (9) мекен-жайы бойынша орналасқан Мыңбұлақ сауда орталығында шартты өртті сөндіру бойынша өрт-тактикалық оқу-жаттығулары ұйымдастырылды және өткізілді.
Шартты сценарий бойынша өрт Мыңбұлақ сауда кешенінің екінші қабатында қысқа тұйықталу салдарынан орын алған. Қызмет бөлімшелері келгенге дейін сауда кешенінің персоналы мемлекеттік өртке қарсы қызметке бір мезгілде хабарлай отырып, сатушылар мен сатып алушыларды туындаған өрт туралы хабардар ету бойынша жұмыс ұйымдастырылды және адамдарды қауіпсіз жерге эвакуациялау және өртті алғашқы өрт сөндіру құралдарымен сөндіру жүргізілді.
Оқиға орнына келгеннен кейін кезекші өрт сөндіру қызметі жедел штабтың жұмысын, ғимараттың екінші қабатынан адамдарды қолмен өрт сатыларын пайдалана отырып құтқаруды ұйымдастырды. Өртте барлығы 4 қол су оқпаны берілді (2 сөндіруге және 2 көрші үй-жайларды қорғауға). Шартты өрт аумағы 50 шаршы метрді құрады. Оқиға орнынан 2 зардап шегуші құтқарылып, оларға медициналық көмек көрсетілді.
Сондай-ақ, осы күні Төле би мекен-жайында орналасқан Тараз сервис және технологиялар колледжінде және Домалақ ана көшесінде орналасқан Жамбыл политех колледжінде өрт-тактикалық оқу-жаттығулары өткенін атап өту қажет.
Оқу-жаттығуларды қорытындылай келе, Жамбыл облысы ТЖД Өрт сөндіру және авариялық-құтқару ұмыстары қызметі бастығының орынбасары азаматтық қорғау полковнигі Айманов Меиіржан Көпбосынұлы аталған нысанның стратегиялық маңыздылығы мен маңыздылығын атап өтті, сондай-ақ шартты өртті жою бойынша өрт сөндіру бөлімшелерінің іс-қимылдарына оң баға берді.
Оқу-жаттығу өткізу барысында азаматтарды эвакуациялау және өрт автосаты орнату кезінде кедергі келтіруі мүмкін кейбір бұзушылықтар анықталды. Аталған бұзушылықтарды жою бойынша тиісті ұйымдарға ұсынымдар берілді.
Осындай өрт-тактикалық оқу-жаттығулар ағымдағы жылдың соңына дейін жалғасатын болады.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
