Қысқаша өмірбаян
Мен, Кокумбаев Сейтбек Кенесович, 1982 жылғы 9 тамызда Жамбыл облысы Т. Рысқұлов ауданының Ақыртөбе ауылында дүниеге келдім. 1988–1999 жылдары №14 Ақыртөбе атындағы орта мектепте оқыдым. 1999–2003 жылдары Қайнар университетінің Жамбыл облыстық филиалында «Құқықтану» мамандығы бойынша білім алдым.
2003–2018 жылдары «Нұрсұлтан» шаруа қожалығын басқардым. 2018 жылдан бері «Хамза» шаруа қожалығының басшысымын. Қоғамдық жұмыстарға белсене қатысамын. VIII шақырылымдағы Т. Рысқұлов аудандық мәслихатының депутаты болдым.
Отбасылымын, екі ұл және екі қыз тәрбиелеп отырмын.
Сайлауалды бағдарлама
Құрметті сайлаушылар, қадірлі жерлестер!
Шаруа қожалығын басқару мен мәслихаттағы жұмысымда жинаған тәжірибемді ауданның дамуына жұмсағым келеді. Сіздердің сенімдеріңізге ие болсам, депутаттық өкілеттігім аясында мына жеті бағыт бойынша жұмыс істеймін.
1. Әділетті мемлекет және қауіпсіз қоғам
- Құқық бұзушылықтардың алдын алуға, тұрғындардың қауіпсіздігін күшейтуге және заңды құқықтарын қорғауға бағытталған шараларды қолдаймын.
- Тұрғындардың тұрмыс сапасына әсер ететін мәселелерді мәслихатта көтеріп, олар бойынша шешім қабылдауға белсене қатысамын.
- Сыбайлас жемқорлықтың алдын алуға және оған төзбеушілік мәдениетін қалыптастыруға бағытталған бастамаларды қолдаймын.
2. Азық-түлік қауіпсіздігі және қолжетімді баға
- Ауыл шаруашылығы өнімдерін өндіру, өңдеу және өткізу үшін жергілікті өндірушілердің кооперациясын дамытуға жәрдемдесемін.
- Мемлекеттік қолдаудың өнім өндіретін және жұмыс орындарын ашатын шаруашылықтарға бағытталуы жөнінде ұсыныс беремін.
- Жергілікті өндірушілердің мүддесін қорғап, ауыл шаруашылығы өнімдерін терең өңдейтін жобаларды қолдаймын.
3. Сенімді инфрақұрылым
- Жергілікті жолдарды салу және жөндеу сапасына қоғамдық бақылау жүргізуге атсалысамын.
- Су тапшылығының алдын алу үшін су ресурстарын тиімді әрі үнемді пайдалану шараларын қолдаймын.
- Білім беру, денсаулық сақтау, мәдениет және спорт нысандарының құрылысына қаржы бөлу мәселесін аудандық бюджетті талқылау кезінде көтеремін.
- Инфрақұрылымдық жобалардың орындалу барысын қоғамдық бақылауға тұрғындарды тартуды қолдаймын.
4. Әділетті әлеуметтік саясат
- Қызмет көрсету және өндіріс салаларындағы еңбек жағдайларын жақсартуға бағытталған бастамаларды қолдаймын.
- Мүгедектігі бар азаматтардың еңбекке орналасуына және әлеуметтік нысандарға кедергісіз қол жеткізуіне жағдай жасау мәселесін көтеремін.
- Ауылдардағы медициналық ұйымдарды қажетті құрал-жабдықтармен қамтамасыз етуге ықпал етемін.
- Коммуналдық тарифтердің қалай белгіленетіні және не себепті өсетіні туралы ақпараттың тұрғындарға ашық берілуін қолдаймын.
- Ардагерлердің құқықтары мен заңды мүдделерін қорғауға бағытталған бастамаларға қолдау көрсетемін.
5. Білім, ғылым және цифрлық сауаттылық
- Ауыл квотасымен білім алған түлектердің жұмысқа орналасуына жәрдемдесемін.
- Егде жастағы тұрғындарға цифрлық қызметтерді пайдалануды үйрететін қолжетімді курстар ұйымдастыруға ықпал етемін.
6. Отбасы құндылықтары және ұрпақ сабақтастығы
- Отбасының рөлін нығайтатын, еңбек әулеттерінің өнегесін танытатын және адал еңбекті дәріптейтін іс-шараларды қолдаймын.
- Отбасындағы зорлық-зомбылықтың алдын алуға, әйелдер мен балалардың құқықтарын қорғауға және олардың қауіпсіздігін қамтамасыз етуге бағытталған шараларды қолдаймын.
- Әйелдер кәсіпкерлігін дамытуға және жастардың бос уақытын пайдалы өткізуіне тең мүмкіндік жасауға ықпал етемін.
7. Экология және көгалдандыру
- Ауылдарда саябақтар мен гүлзарлар ашу, қоғамдық кеңістіктерді көгалдандыру және абаттандыру жөніндегі ұсыныстарды қолдаймын. Қолданыстағы жасыл аймақтарды құрылыстан қорғау мәселесін көтеремін.
Баршаңызды «Ауыл» партиясын қолдауға шақырамын!
ГҮЛДЕНСЕ АУЫЛ – ГҮЛДЕНЕДІ ЕЛІМІЗ!
Тапсырыс беруші: С. К. Кокумбаев.
№2 бірмандаттық аудандық сайлау округі бойынша Т. Рысқұлов аудандық мәслихатының депутаттығына кандидаттың сайлауалды үгіт материалы республикалық бюджет қаражаты есебінен төленді.
