2022 жылдың 6 ай қорытындысымен облыс ұйымдарында қызметтік міндеттерін атқарумен байланысты болған 15 жазатайым оқиғалар орын алып, онда 4 адам жеңіл, 7 ауыр жарақаттанып, 6 адам қайтыс болған.
Оның ішінде, 2 топтық жазатайым оқиға орын алып, 4 адам зардап шеккен.
Еңбек қатынастары саласында азаматтардың еңбек құқықтарын қорғау, жұмыскерлердің құқықтық сауаттылығын арттыру мақсатында, барлық тұрғындардың, әлеуметтік-еңбек қақтығыстарын алдын алу мақсатында мемлекеттік еңбек инспеторларымен ақпараттық түсіндірме жұмыстары жүргізіліп отыр.
Атап айтар болсақ, жыл басынан облыстық 80 еңбек ұжымдарында 940 жұмыскердің қатысуымен еңбек қауіпсіздігі, еңбекті қорғау бойынша түсіндірме жұмыстары жүргізілді.
Сонымен қатар, облыстағы өндірістік жарақаттанушылық деңгейін төмендетуге бағытталған облыстық жол картасы бекітіліп, тиісті жұмыстар жоспарлы негізде жүргізілуде.
Облыстық еңбек инспекциясы басқармасының тапсырысымен дайындалған еңбек қауіпсіздігіне байланысты арнайы бейнеролик әзірленіп, Тараз қаласымен аудандардың халқы көп шоғырланған жерлерде көрсетіліп отыр.
