«Ардагерлеріміз-Ардақтыларымыз» мемлекеттік гранты аясында уәкілетті органдар өкілдері мен ардагерлердің қатысуымен халыққа әлеуметтік қызмет көрсету және қиын өмірлік жағдайларды жеңуге көмек көрсету тақырыбында диалог алаңы ұйымдастырылды. Бұл шара қоғамның әлеуметтік мәселелерін шешуде тәжірибе алмасуға және бірлескен бастамаларды іске асыруға бағытталды.
Диалог алаңының басты мақсаты – азаматтардың қиын жағдайларын жеңілдету үшін әлеуметтік қызмет көрсету сапасын арттыру, ардагерлердің өмірлік тәжірибесін пайдалану және жергілікті билік органдарымен бірге нақты шешімдер ұсыну.
Диалог барысында халықтың әлеуметтік мәселелерін шешуге арналған бірнеше маңызды тақырып талқыланды:
1. Әлеуметтік қызмет көрсету сапасын жақсарту: арнайы көмекті қажет ететін азаматтарға қолдау көрсету тетіктері;
2. Ардагерлердің қатысуы: тәжірибелі тұлғалардың қоғамның осал топтарына көмек беру жұмыстарындағы рөлі;
2. Қоғамдық ресурстарды жұмылдыру: әлеуметтік мәселелерді шешуде мемлекеттік және қоғамдық ұйымдардың бірлескен жұмысы.
Ардагерлер өз сөздерінде қоғамның осал топтарына қолдау көрсетудің маңыздылығын ерекше атап өтті. Олар қиын жағдайларға тап болған азаматтарды қолдауда жеке мысалдарымен бөлісіп, жаңа әдістер ұсынды.
Уәкілетті органдардың өкілдері әлеуметтік қызмет көрсету саласындағы мемлекеттік бағдарламалар мен олардың жүзеге асырылу барысы туралы баяндады. Олар халықтың қажеттіліктеріне дер кезінде жауап берудің маңызды екенін және бұл бағыттағы жұмысты жетілдіру қажеттілігін айтты.
