Алайда, әкімшілік құқық бұзушылық туралы іс бойынша да татуласу мүмкіндігі бар. «Қазақстан Республикасы Әкімшілік құқық бұзушылық туралы кодексінің» 64– бабы «Әкімшілік жауаптылықтан тараптардың татуласуына байланысты босату »деп аталады.
Бұл бапқа сәйкес ҚР ӘҚБтК-нің 73-3, 79 (бірінші бөлігінде), 127-2, 146, 185, 186, 190 (бесінші және алтыншы бөліктерінде), 220, 229 (екінші бөлігінде)-баптарында көзделген әкiмшiлiк құқық бұзушылық туралы iстер жәбiрленушiнiң арызы бойынша ғана қозғалады және ол әкiмшiлiк құқық бұзушылық жасаған тұлғамен татуласқаннан кейiн тоқтатылуға жатады. Егер осы Кодекстің 73 және 73-3-баптарында көзделген әкімшілік құқық бұзушылықтарды алғаш рет жасаған адамдар жәбірленушілермен, арыз иелерімен, оның ішінде медиация тәртібімен татуласса және келтірген зиянын жуып-шайса, сот оларды әкімшілік жауаптылықтан босатуы мүмкін. Осы бөліктің ережелері осы Кодекстің 73-бабы бойынша тараптардың татуласуына байланысты бір жыл ішінде әкімшілік жауаптылықтан босатылған адамдарға қолданылмайды. Татуласу жәбiрленушi мен әкiмшiлiк құқық бұзушылық жасаған тұлға қол қойған жазбаша келiсiм негiзiнде жүзеге асырылады.
Еліміз егемендік алған уақыттан бастап, бергі кезеңге дейін, өзінің құқықтық саясатының басты бағыты ретінде адам мен адам құқықтары бостандықтары мен мүдделері қорғалуына негізделген құқықтық мемлекет құруды таңдағаны рас.
Қазіргі таңда әлімдегі мемлекеттерде медиация институтының тәжірибелерінің өміршеңдігі негізінде көптеген даулы мәселелердің бітімге келу арқылы оң шешімдерді тауып жатқаны анық.
Медиация- тараптардың ерікті келісімі бойынша жүзеге асырылатын, олардың өзара қолайлы шешімге қол жеткізуі мақсатында медиатордың жәрдемдесуімен тараптар арасындағы дауды реттеу рәсімі.
«Медиация»- сөзі латын тілінен аударғанда «делдал екі тарапты мәмілеге келтіруші үшінші тұлға » деген мағынаны білдіреді .
Медиация- тәжірибесінің мақсаты билер соты сияты дауласушы тараптардың дауласушылық деңгейін төмендетіп, тараптарды бітімге келтіріп татуластыруға қол жеткізу. Медиация тәсілі сот жүйесіндегі әділ төрелікті қамтаамсыз етудің бірден –бір жолы, яғни тарапты қанағаттандыру негізінде жүргізілген келіссөз, екі жақты татуластыру рәсімі деп түсіндіруге болады.
Медиация қызметінің тиімді жағына көз салсақ, бұл қызмет ең алдымен қоғамды ізгілендіруге жол ашады.Яғни, медиация- үшінші бейтарап көзқарасты ұсынатын тараптың, яғни медиатордың қатысуымен дау –жанжалдарды шешуідің баламалы әдісі. Ол екі жақтың еріктілік, құпиялық тең құқылығын сақтай отырып тараптардың өзара тиімді бітімге келуіне жол ашады. Ең бастысы медиатордың бейтараптығы процедураға араласуға жол бермеушілік принциптерімен ерекшеленеді. Бір–біріне талап қоюшы тараптар сотқа дейін де, сот барысында да медиаторға жүгіну арқылы өзара тиімді мәмілеге келе алады.
Тараз қаласының әкімшілік құқық бұзушылықтар жөніндегі мамандандырылған соты әкімшісінің бас маман – сот мәжілісінің хатшысы А.А.Тажиева
