Қазақстан Республикасы Ақпарат және қоғамдық даму министрлігі, «Азаматтық бастамаларды қолдау орталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан“Ұлы дала өркениеттері” атты байқауына орта білім беру ұйымдары белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Гимназиямызда «Ұлы дала өркениеті» республикалық байқауы бойынша «Құндылық — адам жанының алтын арқауы» тақырыбында үздік бейнебаян байқауы өткізілді. Мақсаты: Оқушылардың ата-аналарының құнды қасиеттерін перзентіне үйрету, өмір тәжірибесімен бөлісу. Байқау нәтижесі бойынша 6-11 сыныптары арасында бағалау талаптарына сәйкес 7″Б» сынып оқушысы Диханбек Жанарыс Жанболатұлының бейнебаяны үздік деп табылды. Жанарыстың бейнебаянында отбасындағы сыйластық, өзара түсіністік, үлкенге құрмет, кішіге ізет көрсету және ең бастысы отбасы құндылықтарының дәріптелуін көре аламыз. Сондай-ақ ата-әжесінің даналығы жүректен ерекше орын таба білді.
ҰЛТТЫҢ ТІЛІ, ДӘСТҮРІ, МӘДЕНИЕТІ — СОЛ ҰЛТТЫҢ ЖАНЫ, ЖАН ДҮНИЕСІ
📌 Мектеп — лицейдің «Тәлім» жас мамандар тобымен «Мамандыққа дара жол» бағдарламасы аясында «Ұлттың тілі, дәстүрі, мәдениеті — сол ұлттың жаны, жан дүниесі» тақырыбында кездесу кеші өткізілді.
📌 Мектеп — лицейіміздің тәжірибелі ұстазы Алимова Базаркүл, білгір ұстазы Алыпқашева Марат, ұлағатты ұстаз Бисенова Шакизат, креативті ұстаз Жұмабаева Дана әріптестеріміз кеш қонақтары болды.
📌 Өнегелі ұстаз атанған үлы кезметтің иелері мен жас мамандар арасында ситуациялық сұрақтар, «Ол кім? Бұл не?» сұрақ-жауап айдары, жағдаяттық үзінді фильмдерді көру арқылы тапсырмаларды орындады.
📌Дара жолымен дараланған дана ұстаздар жас мамандарға өз тәжірибелерімен бөлісіп, шәкірттердің қазіргі уақытта тілдің тазалығына үлкен мән беру керектігі туралы кеңес-тілектерін білдірді.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.
