Қазақстан Республикасы Ақпарат және қоғамдық даму министрлігі, «Азаматтық бастамаларды қолдау орталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан “Ұлы дала өркениеттері” атты байқауына орта білім беру ұйымдары белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Елбасымыз айтқандай: «Дауға салса алмастай қиятын, ана тілінде қара сөздің шешені болатын, сезімге салса қырандай қалқитын, ойға салса қорғасындай балқитын, өмірдің кез-келген орайында әрі қару, әрі қалқан болатын тілден асқан не бар екен?-демекші «Сауран» жалпы орта мектебінде «Ұрпақтар сабақтастығы» байқауының ерекше бөлімі «Ұлттың тілі, дәстүрі, мәдениеті — сол ұлттың жаны, жан дүниесі» тақырыбы тағы да жалғасын тапты.Туған елдің игі жақсылары, аузынан ақылы түспеген қариялармен болған кездесу барысында тың деректер, қажет ақпараттар, ата-салты, ұлттық тілге деген құрмет, көптеген қызықты әңгімелер айтылды. Шәкірттер кездесуде белсенді, еркін қатысып отырды. Биылғы оқу жылында «Аталар мен әжелер, әкелермен кездесу күндері жалғаса бермек.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.
