Қазақстан Республикасы Ақпарат және қоғамдық даму министрлігі, «Азаматтық бастамаларды қолдауорталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан “Ұлы дала өркениеттері” атты байқауына орта білім беру ұйымдары белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Бауыржан Момышұлы атындағы «Ерлік» мемориалдық кешенінде «Ұлы дала өркениеттері» республикалық байқауының «Нағыз қазақ қазақ емес,нағыз қазақ домбыра» бөлімі бойынша флеш-моб өткізілді.
Флеш-мобқа барлығы 182 адам қатысты. Қатысушылар Әбдімомын Желдібаевтың «Ерке сылқым» күйін тартты. «Аяла», «Үкілім» би тобының бишілері аталған күйді бимен көркемдеді.
⚜️ ДӘСТҮР МЕН ҒҰРЫП
🔷 Республикалық «Ұлы Дала Өокениеттері» байқауы аясында Казталов мектеп-лицейі ұстаздары мен оқушылары және ата-аналардың қатысуымен «Дәстүр мен ғұрып» тақырыбында дәстүрімізді насихаттауға арналған қойылым қойылды.
🔶 Аудандық өлкетану музейінің залында түсірілген қойылымда отбасылық ғұрыптар көрсетіліп, бейнеклип республикалық байқауға жіберілді.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.