Қазақстан Республикасы Ақпарат және қоғамдық даму министрлігі, «Азаматтық бастамаларды қолдау орталығы» коммерциялық емес акционерлік қоғамының «Ұрпақтар сабақтастығын және Қазақстан халқының дәстүрлерін танымал етуді қамтамасыз ету жөніндегі шаралар кешенін іске асыру» мемлекеттік гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі орта білім беру ұйымдары арасында өткізіліп жатқан “ Ұлы дала өркениеттері” атты байқауына орта білім беру ұйымдары белсене қатысып жатыр.
Өткізіліп жатқан іс шаралар өскелең ұрпақты Қазақстан халқының мәдениетін, ана тілін, ұлттық дәстүрлерін сақтауға және дамытуға, дәстүрді жаңғырту және дамыту мәселелеріне, ұлттық және мәдени бірегейлікті сақтауға, сондай-ақ жастарды өз халқының мәдениетіне, халық шығармашылығына жанашыр болуға тартуға өз септігін тигізіп жатыр.
Ермұхан Бекмаханов мектеп -гимназиясы «Жамбыл обоысы, жастар ұйымының қауымдастығы» заңды тұлғалар бірлестігі орта білім беру ұйымдары арасында ұйымдастырылған «Ұлы дала өркениеттері» атты байқаудың «Ұлттың тілі, дәстүрі, мәдениеті-сол ұлттың жаны, жан -дүниесі» атты бағыты бойынша Шу ауданының құрметті азаматтары, аудандық ақсақалдар кеңесінің төрағасы, ардақты аталарымыз Қазақбай Байжұманұлы мен Доктурхан Байбатшаев мектеп -гимназияның жоғары сынып оқушыларымен кездесу өткізді. Ақсақалдарымыз өмірден түйгендерін, тәрбиелік мәні бар әңгімелерімен бөлісті және оқушылардың сауалдарына жауап берді.
«Ұлы дала өркениеттері» атты республикалық байқауының келесі номинациясы бойынша мектебімізде «Қарттарым-асыл қазынам» аталар мен әжелер мектебімен «Ұлттың тілі, дәстүрі, мәдениеті- сол ұлттың жаны, жан дүниесі» тақырыбында кездесу өтті. Ұлттық құндылықтарымыз жайында 5-7 сынып оқушыларының түсінуіне жеңіл, зерделеуіне ыңғайлы мағлұматтар берілді. Қызықты ойын ұйымдастырылды. Ұлттық аспаптарда күй тартылып, ән айтылды. Оқушыларымыз құнды ақпараттар алып, сауалдарына жауап алды.
Байқауға “Орта білім беру ұйымдары арасында өткізілетін «Ұлы дала өркениеттері» атты байқауы аясында 138 білім беру ұйымы өтінім берді. Айта кетейік, байқаудың жүлде қоры 1 800 000 (бір миллион сегіз жүз мың) теңгені құрайды. Сыйлықақы бағалау талаптарына сай ең жоғары ұпай жинаған үш ұйымға беріледі. І орынға бір миллион теңге, ІІ орынға бес жүз мың теңге, ІІІ орынға үш жүз мың теңге қарастырылған.