Тараз қаласының әкімшілік құқық бұзушылықтар жөніндегі мамандандырылған сотында «Әкімшілік құқық бұзушылық туралы хаттама толтыру» тақырыбында «дөңгелек үстел» өткізілді.
Іс-шараға сот төрағасы Б.Оразымбетов, Тараз қаласының полиция басқармасының әкімшілік полиция бөлімінің инспекторлары қатысты.
Б.Оразымбетов «дөңгелек үстелді» ашып, әкімшілік хаттаманың «Әкімшілік құқық бұзушылық туралы» Кодекс талаптарына сай толтыру бойынша бірнеше іс-шаралардың өткізілгенінін, алайда кемшіліктер әлі күнге дейін орын алатындығын және істі қарауға кедергі туғызатындығын айтты. Себебі істердің сотта дурыс қаралуы толтырылған хаттаманың сапасына тікелей байланысты екендігін атап өтті.
Сондай-ақ спикер аталған кемшіліктер заң талаптарын дұрыс қолданбау нәтижесінде туындап отырғандығын түсіндірді.
Іс-шараның қорытындысы бойынша туындаған сұрақтарға тиісті жауаптар берілді, құқық қорғау органдары жұмыстарын жетілдіру мақсатында ұсынымдар қабылданды.
Дереккөз: Тараз қаласының әкімшілік құқық бұзушылықтар жөніндегі мамандандырылған сотының баспасөз қызметі
