Жамбыл облысының қылмыстық істер жөніндегі мамандандырылған ауданаралық сотында, алқабилердің қатысуымен, Қылмыстық кодекстің (әрі қарай ҚК) 297 бабының 3 бөлігінің 3) тармағы (аса iрi мөлшердегі есірткізаттарды өткізу мақсатында заңсыз сақтау, тасымалдау) бойынша айыпталушы К.А.-ға қатысты қылмыстық іс қаралды.
Сотпен не анықталды:
ЕҚҚІБ қызметкерлерімен Тараз қаласы аумағында орналасқан техника жөндеу орталығының бірінің алдында К.А.-ға тінту жүргізу барысында, өткізу мақсатынсыз заңсыз тасымалдап, өзімен бірге сақтаған, аса ірі мөлшердегі 44-дана орама жалпы салмағы 610,37 грамм «каннабис шайыры» есірткі заты табылып алынған.
Сол күні, сотталушы К.А.-ның үйіне тінту жүргізу барысында, үй ішінің кіре беріс дәлізінде орналасқан газ пешінің астынан, өткізу мақсатынсыз заңсыз сақтаған, ірі мөлшердегі 3-дана орама жалпы салмағы 18,53 грамм «каннабис шайыры» есірткі заты табылып алынған.
Алқабилер қатысатын сотта қылмыстық істі сот тергеуінде қарау нәтижесі бойынша, алқабилермен, сотталушы К.А.-ға қатысты, ол аса ірі мөлшердегі есірткі затын өткізу мақсатынсыз заңсыз тасымалдап, сақтағанға кінәлі деп танылғанына байланысты, сотпен, оның іс-әрекеттері ҚК-нің 296-бабы 4-бөлігімен сараланды.
Тараптардың позициясы:
Прокурор сотталушы Б.Е.-ге 10 жыл 6 ай бас бостандығынан айыру түріндегі жаза тағайындауды сұрады.
Сотталушы К.А. кінәсі дәлелденбегендіктен, оны ақтауды сұрады.
Дәлелдемелер бойынша:
Жасаған іс-әрекеті тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен және басты сот талқылауында зерделенген қылмыстық істің процессуалдық өзге де материалдарымен дәлелденді.
Сот шешімі:
Қылмыстық жауаптылық пен жазасын жеңілдететін мән-жайлар ретінде, сот оның тұрғылықты жері бойынша жақсы мінезделуін таныды. Қылмыстық жауаптылық пен жазасын ауырлататын мән-жайлар сотпен анықталған жоқ.
Сотталушы К.А.-ның іс-әрекеттері ауыр қылмыстар санатына жататындықтан, және де қоғамға қауіпті болғандықтан, алқабилер мен сот, сотталушыға бас бостандығынан айыру жазасын тағайындау қажет деп шешті.
Сот үкімімен ҚК-нің 296-бабы 4-бөлігі бойынша К.А.-ға қылмыстық-атқару жүйесінің орташа қауіпсіздік мекемесінде жазасын өтей отырып, 4 жылға бас бостандығынан айыру жазасы тағайындалды.
Үкім заңды күшіне енген жоқ.
