Президент алдағы Ұстаздар күнімен құттықтады
Мемлекет басшысы мұғалімдердің кәсіби мерекесі елімізде ерекше аталып өтетінін жеткізіп, ұстаздар қауымына зор құрмет көрсетілетінін айтты.
– Міржақып Дулатұлы «Халыққа ең пайдалы адам – мұғалім» деген. Мұғалім – әр азамат үшін өте қадірлі тұлға. Басқа сөзбен айтқанда, мұғалім – әрбір балаға өмір жолын көрсетеді. Ұстаз – тәлім-тәрбие мен білімнің қайнар көзі. Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі – ерен, еліміздің дамуына қосқан үлесі – орасан. Сондықтан бүгін мен білім беру саласында еңбек етіп жүрген барша азаматқа шынайы ризашылығымды білдіремін, – деді Қасым-Жомарт Тоқаев.
– Соңғы бес жылда елімізде осы бағытта көп жұмыс істелді. Білім саласына бөлінетін қаржы үш есе артты. 1200 жаңа мектеп ашылды. «Келешек мектептері» ұлттық жобасы жүзеге асырылып жатыр. Осы жоба бойынша заман талабына сай 150 білім ошағы салынды. Сондай-ақ осындай 67 мектептің құрылысы жүріп жатыр. Балалардың сапалы білім алуына қажетті барлық жағдай жасалуда. Бұл деректі халық білуі керек, себебі мемлекет жас ұрпақтың біліміне және ұстаздардың жағдайына баса назар аударып жатыр. Біз педагогтердің мәртебесін көтеріп, әлеуметтік жағдайын жақсарту үшін нақты шараларды қолға алдық. Арнайы заң қабылдадық. Бүгінде ұстаздардың жалақысы 2 есе өсті, – деді Президент.
Қазақстан Республикасының мемлекеттік наградаларымен наградтау туралы
2025 жылғы 01 қазан
«Парасат» орденімен
Жаңбыршиева Ұлжан – Ғылым және жоғары білім министрлігінің «Қорқыт ата атындағы Қызылорда университеті» КеАҚ доценті
Мұсайбеков Рашид Қабдулқалиұлы – Ғылым және жоғары білім министрлігінің «Ш. Уәлиханов атындағы Көкшетау университеті» КеАҚ сеньор-лекторы;
«Қазақстанның еңбек сіңірген ұстазы» құрметті атағы берілсін
Әбдірайымова Гүлнар Фазылкәрімқызы – «ASTANA POLYTECHNIC» жоғары колледжі» КМК оқытушысы, Астана қаласы
Ванов Қуантқан Рзаұлы – еңбек ардагері, Маңғыстау облысы
Губаева Мүгілсін Мәулетқызы – еңбек ардагері, Алматы қаласы
Жәмішева Сәуле Абрашқызы – «Республикалық физика-математика мектебі» КеАҚ әдіскері, Алматы қаласы
Райымбекова Ұлжан Кеттешқызы – «№ 7 «Тұран» мектеп-гимназиясы» КММ мұғалімі, Түркістан облысы
Серекеева Күміскүл Дүйсенқызы – «М. Дүйсенов атындағы мемлекеттік жалпы білім беру № 15 мектеп-лицейі» КММ мұғалімі, Қызылорда қаласы
Талқанбаев Мұхтар Дәулетұлы – «Дарынды балаларға арналған мамандандырылған «Дарын» лицей-интернаты» КММ мұғалімі, Жамбыл облысы
Темірболатова Әлия Есқалиқызы – «Ж. Жабаев атындағы № 161 лицей» КММ мұғалімі, Алматы қаласы
Шералхан Гүлмира – «Т. Тәжібаев атындағы № 47 мектеп-гимназия» МКК мұғалімі, Шымкент қаласы;
«Құрмет» орденімен
Мергенбаева Назигүл Оразбайқызы – «№ 206 мектеп-гимназия» КММ мұғалімі, Алматы қаласы
Оспанова Айман Қадырқызы – «Ғ. Мүсірепов атындағы № 86 мектеп-гимназия» КММ мұғалімі, Алматы қаласы
Тазабекова Рахат Қасымқызы – еңбек ардагері, Алматы облысы
Таңатқанова Нағима Жақыпқызы – еңбек ардагері, Алматы қаласы
Төлепова Ләззат Жайшылыққызы – «Облыстық арнаулы мектеп-интернат» КММ директоры, Атырау облысы
Хамзина Шынар Ғабдісаматқызы – «Облыстық отбасы үлгісіндегі балалар ауылы» КММ тәрбиеші-анасы, Батыс Қазақстан облысы;
«Ерен еңбегі үшін» медалімен
Әлиева Сәлима Темірболатқызы – «№ 35 мектеп-лицей» КММ мұғалімі, Батыс Қазақстан облысы
Базарбаева Сәруар Оразқызы – «Жоғары құрылыс-экономикалық колледжі» КМҚК оқытушысы, Солтүстік Қазақстан облысы
Жалпақов Талғат Теміржанұлы – «Ақпараттық технологиялар колледжі» КМК оқытушысы, Павлодар облысы
Жұмағалиева Шырын Рахымбайқызы – «К. Ушинский атындағы № 7 орта мектеп» КММ мұғалімі, Талдықорған қаласы
Забиякина Оксана Сергеевна – «Ақмола облысы білім басқармасының Ерейментау ауданы бойынша білім бөлімі Ерейментау қаласының Н. Смағұлов атындағы мектеп-лицейі» КМК мұғалімі
Құдайбергенова Татьяна Сергеевна – «Школа Будущего «Әділет» балабақша-мектеп кешені жеке меншік мекемесінің мұғалімі, Қарағанды облысы
Қыдырпатшаева Күлзира Орзанбайқызы – «№ 8 гимназия» КММ мұғалімі, Жезқазған қаласы
Омарбекова Айгүл Төлеутайқызы – «Геологиялық барлау колледжі» КМҚК оқытушысы, Абай облысы
Рахымбаева Жанар Дайырқажықызы – «SOS Астана балалар ауылы» ЖББМ тәрбиешісі;
«Шапағат» медалімен
Лукашевич Александр Аркадиевич – «Urban School» ЖШС директоры, Астана қаласы
Шаңбаев Дархан Түгелбайұлы – «Ақтөбе жоғары политехникалық колледжі» МҚК оқытушысы.
