Ағымдағы жылдың 25 қарашасындағы жағдай бойынша Жамбыл облысында коронавирустық инфекцияның 14 жағдайы тіркелді.
Атап айтсақ, Тараз қаласында 1992, 1963, 1953, 1985, 1990 жылы туылған тұрғындар арасында бес жағдай расталған. Олардың бірі байланыста болған тұлға ретінде, қалғандары өз еркімен тексерістен өткен.
Қордай, Шу, Байзақ аудандарында бір-бірден, яғни 1961, 1990, 1988 жылдары туған тұрғындардан коронавирус табылған. Симптомдық науқастар жұқпалы аурулар ауруханаларына жатқызылды. Олармен байланыста болған тұлғалар карантинге алынды. Ауру ошақтарында қорытынды дезинфекция жүргізілді.
Сондай-ақ, өткен тәулікте симптомсыз алты жағдай анықталды, оның төртеуі Қордай ауданында, екеуі Тараз қаласында тіркелген. Симптомсыз тасымалдаушылар ауруханаға жатар алдында эпидемиологиялық көрсеткіштер бойынша байланыста болған тұлға ретінде тексерістен өткен. Олар үй карантиніне оқшауланды.
Жалпы, ағымдағы жылдың 25 қарашасындағы жағдай бойынша Жамбыл облысында коронавирустық инфекцияның 4366 жағдайы тіркелді, ал ауруханалардан 4180 науқас емделіп шықты
