22 сәуір күні Тараз қаласында коронавирус оқиғасының жаңа дерегі тіркелді.
Облыс орталығының 30 жасар тұрғыны бұған дейін инфекция жұқтырған әріптесімен жұмыс орны бойынша байланыста болғандығы үшін карантиндік стационарда оқшауланған.
Алынған талдау қорытындысы оң нәтиже көрсеткеннен кейін инфекциялық стационарға жатқызылды.
Үй ошағы бойынша бір байланысқан тұлға анықталып, зертханалық зерттеу үшін талдаулар алынуда. Ошақтарда эпидемияға қарсы тиісті өңдеу шаралары атқарылды.
23 сәуір күні Жамбыл облысында коронавирустың (N78-79) екі жаңа оқиғасы анықталды.
Емделушілер 1998 жылы туған Байзақ ауданының және Тараз қаласының тұрғындары болып табылады. Олар бұған дейін инфекция анықталған науқаспен жұмыс орны бойынша байланыста болғандығы үшін карантиндік стационарға оқшауланған.
Үй ошақтары бойынша алты байланыста болған тұлға анықталып, олар карантиндік стационарға орналастырылды. ПТР-зерттеуге талдаулар алу бойынша жұмыстар жүргізілуде.
23 сәуір күнгі жағдай бойынша Жамбыл облысы аумағында коронавирустық инфекцияның 79 жағдайы тіркелген, оның ішінде Тараз қаласында — 26 жағдай, Байзақ ауданында – 4, Жамбыл ауданында – 4, Қордай ауданында — 33, Меркі ауданында — 2, Мойынқұм және Шу ауданында – біреуден. Сондай – ақ, Дели — Тараз рейсі жолаушылары арасынан алты оқиға, Теңіздегі вахталық кентінен келген қызметкерлерден екі оқиға анықталды.
Науқастардың ішінен 31 адам емделіп, дәрігерлердің бақылауымен үй карантиніне шығарылды.
Дереккөз: zhambyl.gov.kz
