Бүгін Сарысу аудандық сот үкімімен Ғалымжан Серікұлы Құдайбергенді, Самат Балтабекович Бекмаханбетовты Қазақстан Республикасының Қылмыстық кодексінің (ары қарай – ҚК) 156-бабының 4-бөлігінде (Еңбектi қорғау қағидаларын бұзу,
Қауіпсіздік техникасы, өнеркәсіптік санитария қағидаларын немесе еңбекті қорғаудың өзге де қағидаларын осы қағидаларды сақтауды ұйымдастыру немесе қамтамасыз ету жөніндегі міндеттер жүктелген адам жасаған, абайсызда денсаулыққа ауырлығы орташа зиян келтіруге әкеп соққан бұзуы, абайсызда екі немесе одан да көп адамның өліміне әкеп соққан іс-әрекет) көзделген қылмысты іс бойынша кінәлі деп танылды.
Прокурор айыпталушының әрқайсысына 3 жыл 6 алты ай бас бостандығынан айыру жазасын сұраған еді.
Сот үкімімен Құдайбергенді 3 жыл 6 алты ай шартты түрде бас бостағындығын айырып, Бекмаханбетовты 3 жылға шартты түрде бас бостағындығынан айырды.
Сатканбаевты кінәсіз деп танып, ақтау үкімін шығарды.
Азаматтық талапкер .Жаксылыковаазаматтық жауапкерлер «Казфосфат» Жауапкершілігі шектеулі серіктестігінен (ары қарай – ЖШС), Ғ.С.Құдайбергеннен, С.Б.Бекмаханбетовтан ортақ 5 000 000 теңге залал өндіру туралы, азаматтық талапкер Ахметова азаматтық жауапкерлер «Казфосфат» ЖШС-нен 5 000 000 теңге шығын өндіріп алу туралы үкім шықты.
Құдайберген “Қазфосфат” ЖШС Тау кен байыту комбинатында электр слесарь болып қызмет еткен, ал Бекмаханбетов пен Сатканбаев механик қызметтерін атқарған.
Сот үкімі заңды күшіне енген жоқ.
Авторы: Исламбек Дастан