Нәтижесінде өзара Мәдениет күндерін өткізу туралы келісім жасалды, деп хабарлайды ҚР Мәдениет және ақпарат министрлігі.
2024 жылғы 24-26 қыркүйек аралығында Астанада Әзербайжан мәдени күндері өтеді. 24 қыркүйекте «Физули-530» кітабының тұсаукесері және этно-джаз концерті өтеді. 25 қыркүйекте Қазақстан мен Әзербайжанның ұлттық кітапханалары арасында меморандумға қол қою, Эльмира Ахундова кітабының тұсаукесері, сонымен қатар «Әзербайжан өнерінің жауһарлары» көрмесінің ашылуы және би ансамблінің концерті өтеді. 26 қыркүйекте Әзербайжанның заманауи өнері және Томирис иконографиясы туралы дәрістер өткізіледі.
Басты іс-шара 26 қыркүйек күні Қ. Қуанышбаев атындағы Ұлттық музыкалық-драма театрында өтеді. Гала-концертте Әзербайжанның халық әртістері өнер көрсетеді.
2023 жылдың желтоқсанында Қазақстан Республикасының Әзербайжан Республикасындағы Мәдениет күндері Баку қаласында өтті.
