Заңнамаға алғаш рет «су қауіпсіздігі»ұғымы енгізілді. Ол азаматтар мен экономиканы су тапшылығынан және су объектілерінің ластануынан қорғауды, сондай-ақ трансшекаралық су объектілерін қорғау және пайдалану саласындағы Қазақстанның мүдделерін қорғауды қамтиды.
Екінші блок су ресурстарын басқару тәсілдерін қайта қарады. Оларды қорғаудың басымдығына, қоғамды шешім қабылдауға кеңінен тартуға және су бассейндері негізінде басқарудың маңыздылығына баса назар аударылады.
Новеллалардың үшінші блогы су тасқынына қарсы іс-шараларды қоса алғанда, судың зиянды әсерінің алдын алу және жою жөніндегі іс-шараларды көздейді.
Новеллалардың төртінші блогы су қорын пайдалану мен қорғау саласындағы мемлекеттік реттеу мен бақылауды қатаңдатты. Бассейндік су инспекциялары мемлекеттік бақылау функциясынан басқа жедел ден қою шараларын қолдана отырып, мемлекеттік қадағалау бойынша өкілеттіктерге ие.
Бесінші блок гидротехникалық құрылыстардың қауіпсіздігін қамтамасыз етуге бағытталған.
Кодекстің мәтіні баспасөзде жарияланады.
