Жамбыл облысының қылмыстық істер жөніндегі мамандандырылған ауданаралық сотында, Қылмыстық кодекстің (әрі қарай ҚК) 99-бабының 2-бөлігі 9) тармағымен (бұзақылық ниетпен адам өлтiру), бойынша айыпталушы К.Т.-ға қатысты қылмыстық іс қаралды.
Сотпен не анықталды:
Кәмелетке толмаған сотталушы К.Т. үйіне қарай бара жатқанда М.А. мен Б.Д.-ның жанынан өтіп бара жатып, Б.Д.-ның М.А.-ға ұрысып оның бетінен ұрып жібергенін көріп тоқтаған. Сол кезде, олардың қастарында тұрған А.Ж. К.Т.-ға ары кете беруін талап еткен, ол А.Ж.-ның сөзін кемсіту ретінде қабылдап кетпеген, ал А.Ж. оның сөзін тыңдамағандықтан К.Т.-ның марқұм анасын балағаттап, бетінен бірнеше рет алақанымен ұрған.
Осыдан кейін, К.Т. үйінің ауласына кіріп, А.Ж.-дан кек алу мақсатында, оған жеккөрушілік сезімімен, үстелдің үстінен ас үй пышағын алып шығып, адам қазасының туындауын алдын-ала біліп, соны қалап және оған саналы түрде жол беріп, ас үй пышағы түрінде қылмыс қаруын қолданып, А.Ж.-ға жақындап, оған бірнеше терең, шаншылған-кесілген жарақат, оның ішінде кеуде қуысының оң және сол жақтарына терең пышақ жарақаттарын салған,нәтижесінде А.Ж. қайтыс болған.
Сот кәмелетке толмаған сотталушы К.Т.-нің іс-әрекеті ҚК-тің 99-бабы 1-бөлігімен, яғни жәбірленушіні құқыққа қарсы қазаға ұшырату ретінде қайта саралануға жатады деп есептеді.
Тараптардың позициясы:
Прокурор сотталушы К.Т.-ға 12 жылға бас бостандығынан айыру түріндегі жаза тағайындауды сұрады.
Сот отырысында сотталушы К.Т. өзінің і-әрекетіне шын жүректен өкінетінін жеткізді.
Дәлелдемелер бойынша:
Кінә іс бойынша жиналған дәлелдемелермен: іс бойынша сұралған куәлердің жауаптарымен, сараптамалардың қорытындыларымен, сондай-ақ қылмыстық істің өзге де материалдарымен дәлелденді.
Сот шешімі:
Қылмыстық жауаптылық пен жазасын жеңілдететін мән-жайлар ретінде, сот оның кәмелетке толмауын, оның шын жүректен өкінуін, оң мінездемелерін таныды.
Қылмыстық жауаптылық пен жазасын ауырлататын мән-жайлар сотпен анықталған жоқ.
Сот үкімімен ҚК-нің 99-бабы 1-бөлігі бойынша К.Т.-ғакәмелетке толмағандарды ұстауға арналған қылмыстық-атқару жүйесінің орташа қауіпсіздік мекемесінде жазасын өтей отырып, 7 жыл 6 ай мерзімге бас бостандығынан айыру жазасы тағайындалды.
Үкім заңды күшіне енген жоқ.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі
