Комиссия Жамбыл облыстық мәслихатының 2026 жылғы 19 маусымдағы №34-7 шешімімен құрылып, өңірде сыбайлас жемқорлықтың алдын алу және оған қарсы іс-қимылды үйлестіру мақсатында өз жұмысын бастады.
Отырыс барысында сыбайлас жемқорлықтың алдын алу бағытындағы өзекті мәселелер қаралып, жауапты мемлекеттік органдарға нақты ұсынымдар берілді.
Атап айтқанда, Департаментпен ұсынылған сыбайлас жемқорлықтың алдын алу және қоғамда сыбайлас жемқорлыққа қарсы мәдениетті қалыптастыру жөніндегі 2026 жылға арналған кешенді жұмыс жоспарының жобасын облыс әкімдігі аппаратына бекіту бойынша шаралар қабылдау.
Сонымен қатар, Денсаулық сақтау, білім басқармалары, қала және аудан әкімдеріне комплаенс-офицерлердің қызметі туралы есептерін жеке тыңдап, олардың кәсіби біліктілігі мен атқаратын лауазымына сәйкестігін бағалау тапсырылды.
Сондай-ақ, құрылыс саласында жобалау-сметалық құжаттаманы әзірлеу және сараптамадан өткізу қызметтерін қолданыстағы заңнама талаптарына сәйкес әртүрлі мердігерлер арқылы бөлек мемлекеттік сатып алу тәртібімен ұйымдастыру, сондай-ақ заң талаптарының сақталуын қамтамасыз ету қажеттігі атап өтілді.
Бұдан бөлек, құрылыс жұмыстарының құнын негізсіз асыра бағалауға жол берген жобалау-сметалық құжаттамаларға түзетулер енгізіп, олардың сметалық құнын нақтылау жөнінде тиісті тапсырмалар берілді.
Жиын соңында облыс әкімі жауапты мемлекеттік органдардың басшыларына заңдылық пен атқарушылық тәртіпті күшейту, сондай-ақ қабылданған ұсынымдардың сапалы әрі уақтылы орындалуын қамтамасыз ету жөнінде нақты тапсырмалар берді.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
