Үкімет отырысында Цифрлық даму, инновациялар және аэроғарыш өнеркәсібі министрі Жаслан Мәдиев агроөнеркәсіптік кешенді цифрландыру саласындағы отандық әзірлемені – ауыл шаруашылығы жануарларының жай-күйіне мониторинг жүргізу жүйесін ұсынды.
Смарт-трекер нақты уақыт режимінде негізгі көрсеткіштерді бақылауға мүмкіндік береді: тамақтану және физикалық белсенділік, дене температурасы, жануардың үдеуі және мінез-құлқы. Бұл фермерлерге денсаулық жағдайындағы ауытқуларды тез анықтауға және мал өлімінің алдын алуға мүмкіндік береді.
Сонымен қатар жүйе ветеринарлық қызметті модернизациялаудың цифрлық негізін қалайды және оны мақсатты қаржыландыру мен мал шаруашылығын сақтандыру үдерістерін автоматтандыру үшін пайдалануға болады.
@KZgovernment
