Сондай-ақ, қазақ күресінен 3 дүркін «Қазақстан барысы» Бейбіт Ыстыбаевта спортшыларға ізгі тілегін білдіріп, айтулы аламанда топ жаруларына сәттілік тіледі.
Айта кетейік, 2024 жылдың 8-14 қыркүйек аралығында Астана қаласында V Дүниежүзілік көшпенділер ойындары өтпек.
Байрақты бәсекеге ұлттық құрама сапында 8 спорт түрінен Жамбыл облысының 17-ші спортшысы бақ сынамақ.
Атап айтқанда көкпардан Құрманбай Есжан, Тұрғанбек Құрманбек, Тоғайбаев Құлажан, Мәлімбай Ернат, Асыл Елдос көкбөріден Рәт Ислам, Бердіқұл Айнабек, Жарылқасын Ернар құсбегіліктен, Бабажан Бақдаулет жамбы атудан Тулыбеков Абзал, қазақ күресінен Нұрмахамметова Рауза, кураштан Сүлеймен Ернұр, Қазақбаев Айбек, Шаймерденов Нұрдін, Шаймерденов Бегадил ашыртмалы аба гюрешинен Ахметғали Әділет сондай-ақ, белбеу күресінен Орынбасарова Асылжан сынды спортшыларымыз ұлттық құрама сапында өнер көрсетпек.
Елорда бүгін «ЭТНО АУЫЛ» өз жұмысын ресми түрде бастады. Онда Жамбыл облысынан арнайы киіз үйлер тігіліп, іші жабдықталып, көрермендер мен келушілерге, қала қонақтарымен, шетелдіктерге әулиеатаның бар болмысы, жетістігі көрсетілуде.
Жамбыл облысы әкімдігінің Дене шынықтыру және спорт басқармасы
