Іс-шараға “Жамбыл облысы жастар ұйымдарының Қауымдастығы” заңды тұлғалар бірлестігінің президенті — Әбдиев Еркін Қайырбекұлы, «Жамбыл облысы полиция департаменті есірткі қылмысына қарсы іс-қимыл басқармасы» аса маңызды істер жөнінде аға жедел уәкілі полиция подполковнигі Белгибаев Канат Шынгысбекулы, аудандық ардагерлер кеңесінің мүшесі Бәйтерек Жұмаділда және аудан тұрғындары қатысты.
Конференцияның негізгі мақсаты — қоғамды біріктіріп, есірткіге қарсы іс-шаралар кешенін іске асыру. Олардың барлығы салауатты өмір салтын насихаттауға, халықтың есірткі зияны жөнінде хабардарлығын арттыруға және балалардың, жасөспірімдер мен жастардың денсаулығын сақтауда алдын алу жұмысының маңыздылығын түсінуге бағытталған. Cондай-ақ ауданымыздың жасөспірімдері есірткінің зияны туралы айтылатын пайдалы жиындарды өткізу, құқықтық сауаттылығын арттыру арқылы олардың есірткіге тәуелді болмау жолдарының алдын алуға болатыны туралы ақпараттандыру. Оқу орындарымен күш біріктірудің арқасында өскелең ұрпаққа оң ықпал етіп, салауатты болашақты қамтамасыз етуге қолайлы орта жасау. Жиын барысында жастар арасында есірткіге қатысты проблемалар жайлы ақпараттандыру деңгейін жоғарылату, психоактивтік заттарды қолдануға қарсы дағдыларды дамыту сынды дүниелер қамтылды.
Сондай-ақ спикерлер тарапынан да тағылымды ақпараттар берілді. Мәселен, «Жамбыл облысы полиция департаменті есірткі қылмысына қарсы іс-қимыл басқармасы» аса маңызды істер жөнінде аға жедел уәкілі полиция подполковнигі — Қанат Шынғысбекұлы облысымызда нашақорлық пен есірткі бизнесіне қарсы бағытталған шараларды жік-жігімен атап өтті. Атап айтқанда 2024 жылдың алғашқы күнінен бүгінгі күніне дейін Жамбыл облысы полиция департаменті тарапынан 213 наркоқұқықтық заң бұзылушықтары анықталғаны және оның жарты бөлігі есірткі жинау фаткісі болып табылатынын ескертті. Аудан тұрғындарын осы мәселеге бей-жай қарамай ата-аналар тарапынан жасөспірімдердің жіберетін ағыттықтары заңмен қатал жазаланатынын ескертіп, жастардың бос уақытын тиімді пайдалану үшін спортпен айналысып, салауатты өмір салтын ұстануға шақырды. Ал аудандық ардагерлер кеңесінің мүшесі Бәйтерек Жұмаділда аудан тұрғындарына нашақорлық қоғамның тағы бір қиын дерті екенін атап өтіп, жастардың нашақорлыққа жоласа одан арылу оңай емес екендігін түсіндірді. Сонымен қатар жастарымыз осындай зиянды әрекеттерге барса ұлттық құндылықтарымызды ұмытып, ұлтқа қызмет тұрмақ қоғамға кері әсер ететін үлкен проблема әкелетінін жеткізді. Шараның модераторы “Жамбыл облысы жастар ұйымдарының Қауымдастығы” заңды тұлғалар бірлестігінің президенті — Әбдиев Еркін Қайырбекұлы өз кезегінде нашақорлық қазіргі таңда қалай қоғамға жайлып жатқандығы туралы түсіндірді. Әсіресе, үлкен қалаларға арман қуып оқуға кеткен көпшілік ата-аналарға ХХІ ғасырда телефонның көмегімен түрлі сайттар арқылы нашақорлықтың жасырын сатылатыны туралы үн қатты. Бүгінде жастардың заманына қарай еліктегіш әрі оңайға ұмтылатын еске ала отырып, оңай ақша табу үшін қаншама жастар есірткі бизнесін тасымалдаумен айналасатынын хабарлап, ата-аналар тарапынан бір мезгіл болсада жасөспірімдер мен жастардың смартфонын тексеруін ұсынды.
Шара соңында аудан тұрғындары спикрелерге бірнеше көкейкесті сауалдарын қойып, спикерлер тарапынан жауаптарын алып естелікке суретке түсті.
