Жуалы аудандық соты қарыз сомасы 503 369 теңге және 15 102 теңге мемлекеттік бажды өндіріп алу туралы азаматтық ісін қарады.
Іс құжаттарына сәйкес, талап қоюшы «А» АҚ мен жауапкер О.-ның арасында 2015 жылы несие келісімі жасалып, оған сәйкес жауапкер уақытылы төлеу және қайтаруға міндеттемесі бойынша 247 000 теңге көлемінде несие алған.
Алайда жауапкер уақытылы төлемдерді жүргізу туралы Банк алдындағы міндеттемелерді орындамағандықтан талап қоюшы сотқа жүгінген.
Берешекті талап ету құқығын Колекторлық агенттігіне беру кезінде жауапкердің қарыз сомасы 503 369 теңгені құрады.
Істі сотқа дайындау барысында татуластырушы — судьямен тараптар сотқа дейінгі хаттаманы жасау арқылы татуластыру рәсіміне қатысуға шақырылып, дауды бейбіт жолмен шешудің жолдары түсіндірілді.
Татуластыру рәсімінің нәтижесінде тараптар медиативтік келісім жасалып, оған сәйкес талап қоюшы жауапкердің материалдық жағдайын ескере отырып берешек қарызды 2023 жылдың 30 қарашасына дейін бөліп төлеуіне мүмкіндік берген.
Сот ұйғарымымен келісім бекітіліп, іс жүргізу өндірісімен тоқтатылды.
