Қосымша білім беру мекемелерінің басты мақсаты – оқушылардың шығармашылық қабілеттерін дамыта отырып, нәтижеге жету. Бүгінгі таңда Аса ауылдық округінде Техникалық шығармашылығы және кәсіби бағдар беру орталығы коммуналдық мемлекеттік мекемесі жүйелі жұмыстар атқарып келеді.
«Ауыл — ел бесігі» бағдарламасы арқылы қаржыландырылған мекмеде оқушылар қосымша білім алуда. Ғимарат 2020 жылы пайдалануға берілген. Құрылысы 2020 жылы «Айна-City» ЖШС мердігер мекемесіне жүктелген, 2386,7 шаршы метрді құрайтын ғимарттың сыйымдылығы 1 400 адамға арналған. Нысанда 19 оқу кабинеті бар, сонымен қатар, нысан меншігінде 47 дана компьютер, 2 дана ноутбук, 14 дана led экран теледидар бар. Техникалық шығармашылығы және кәсіби бағдар беру орталығы алты бағытта жұмыс атқарады. Оның ішінде: техникалық бағытта – 515 оқушы білім алуда. Көркем эстетикалық бағыт – 300 оқушы, тілдік бағыт – 150 оқушы, биологиялық–экологиялық бағыт – 150 оқушы, сәндік қолданбалы бағыт – 120 оқушы, кәсіптік бағдар беру бағыты – 150 оқушы білім алуда. Сонымен қатар, 16 үйірме жұмыс жасайды. Атап айтқанда: техникалық үлгілеу, әуе үлгілеу, кеме үлгілеу, автокөлік ісі, робототехника, қызықты математика, тағам дизайны, аспазшы кондитер, жас суретші, саздан бұйым жасау технологиясы, стоп кадр студиясы, ағылшын тілі, сөйлеу шеберлігі, жас биолог-эколог, химия, киім үлгілеу және этнодизайн, алғашқы медициналық көмек көрсету.
Сондай-ақ, Мұқан Төлебаев атындағы балалар өнер мектебінің негізі 1975 жылы қаланған. Ғимараттың жалпы сыйымдылығы 700 адамға арналған. 14 оқу кабинетінен тұратын ғимараттың меншігінде бүгінгі таңда 4 компьютер, 2 ноутбук, 1 led экран теледидар бар.Қазіргі уақытта Мұқан Төлебаев атындағы балалар өнер мектебінде 11 мамандық бойынша оқытады: домбыра — 338, фортепиано — 37, баян — 29, қыл қобыз — 15, прима қобыз — 16. Гитара — 13, эстрадалық вокал — 66, дәстүрлі ән — 14, би өнері — 512, актерлік шеберлік — 79, сурет және қол өнер – 343 білім алушы бар. Бүгінгі таңда барлығы — 1 462 білім алушы бар, оның ішінде 0-сынып — 81, 1-сынып – 1 143, 2-сынып — 81, 3-сынып — 71, 4-сынып – 44, 5-сынып — 33, 6-сынып — 7, 7-сынып – 2. Қазіргі уақытта жоғары санатты — 11, І санатты — 14, ІІ санатты – 11 педагог балаларға білім беруде. Мұқан Төлебаев атындағы балалар өнер мектебінің ауылдық жерлерде 5 бөлімшесі бар. Аталған бөлімшелерде де білім алушыларға қосымша білім берілуде.
Үштік одақтың: ата-аналардың, балалар мен мұғалімдердің бірлескен жұмысы – сапалы білім мен саналы тәрбие берудің нәтижелі жолы. Сондықтан да, білім алушыларға әруақытта шығармашылық тұрғыдан, психологиялық тұрғыдан қолдау қажет. Сондықтан да қосымша білім беру мекемелерінің көптеп болғаны, әрі олармен бірлескен жұмыс нәтижеге жеткізері сөзсіз.
