Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы тарапынан облыс бойынша «Еңбек» және «Жұмыспен қамту жол картасы» жүзеге асырылуда. 2021 жылға Жамбыл облысында Жұмыспен қамтудың арналған жол картасы бағдарламасы аясында 29 инфрақұрылымдық жобалар іріктелген және инфрақұрылымдық жобалар екі бағыт бойынша әзірленген. Олар әлеуметтік – мәдени және тұрғын үй-коммуналдық шаруашылығы нысандарына бағытталған. Аталған жобаларды іске асыру нәтижесінде 704 уақытша жұмыс орны құрылып, оның 560-ы халықты жұмыспен қамту орталықтарының жолдамалары арқылы тартылатын болады деп жоспарланған.
Сонымен қатар, облыс бойынша мемлекеттік «Еңбек» бағдарламасы аясында 2021 жылдың 1-тамызына жұмыспен қамтудың белсенді шараларына 35117 адам тартылды, оның ішінде бос жұмыс орындарына — 13924 адам, қысқа мерзімді кәсіптік оқуға 1069 адам, әлеуметтік жұмыс орындарына — 1321 адам, жастар практикасына 1067 түлек жолданып, ақылы қоғамдық жұмыстарға 8907 жұмыссыз тартылды, алғашқы жұмыс орнына -49 адам жолданды. Сондай-ақ, 683 адам шағын несие алып, 3745 адам грант алған, кәсіпкерлік негіздеріне оқытуға -4352 адам жолданған. Бүгінгі таңда 25268 адам жұмысқа орналастырылып, ондағы 13924 адам тұрақты жұмысқа орналасқан. Бағдарламаның 1-ші бағыты аясында қысқа мерзімді 3 айлық кәсіптік оқыту курстарында 996 адамды оқыту жоспарланған. Қысқа мерзімдік кәсіптік оқытуға 2021 жылдың 1 тамызына 1069 адам оқытуға жолданған. Бағдарламаның 3-ші бағыты бойынша әлеуметтік жұмыс орындарына 1321 адам жолданған. Сонымен қатар, жастар практикасына 1067 түлек, ал ақылы қоғамдық жұмысқа 8907 адам жолданған.
Бүгінгі таңда Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасында «Жұмыс берушілерге шетелдік жұмыс күшін тартуға рұхсат беру және (немесе) ұзарту» мемлекеттік көрсетілетін қызметі «Е-лицензиялау» электрондық веб-порталы арқылы электронды түрде жүргізіледі. Ал «Қандас мәртебесін беру немесе ұзарту» мемлекеттік көрсетілетін қызметі толығымен «Азаматтарға арналған үкімет» Мемлекеттік корпорациясының» Жамбыл облысы бойынша филиалдары арқылы жүзеге асырылады. Сонымен қатар, мекеме ғимаратында арнайы арыз-шағымдар жәшігі, азаматтарды қабылдау кестесі, сенім телефоны туралы ақпараттық стенд орналастырылған. Басқарманың және оған қарасты мекемелер ғимараттарының көрнекті жерлеріне сыбайлас жемқорлыққа қарсы дайындалған жадыннамалар ілінген. 2016 жылдың 1 қаңтарынан бастап Мемлекеттік сатып алу заңнамасына сәйкес, барлық мемлекеттік сатып алулар электрондық форматта Қазақстан Республикасының мемлекеттік сатып алу веб-порталы арқылы өткізіледі, осылайша «Сыбайлас жемқорлыққа қарсы іс-қимыл туралы» Қазақстан Республикасының Заңының қағидаттарының бірі «жариялылық пен ашықтық» сақталады. Сондай-ақ, басқармада мемлекеттік сатып алу жеңімпаздарымен мемлекеттік сатып алу келісім шарттары электрондық форматта жүргізіледі. Басқармада мемлекеттік сатып алу заңнамаларына енгізілген өзгерістер мен толықтыруларға байланысты басқарма және құрылымдық мекемелердің жауапты қызметкерлері арасында құқықтық оқытулар жүргізіліп келеді.
Материал Жамбыл облысы әкімдігінің ішкі саясат басқармасының тапсырысы бойынша дайындалды
