Бүгін Тараз қаласындағы «Шахристан этно — тарихи кешені «Көрме орталығы» ғимаратында дәстүрлі түрде «Тамыз конференциясы» өтті.
Жамбыл облысы әкімдігі білім басқармасы басшысының м.а. Талғат Жамалов өз сөзінде «Облыста жаңа оқу жылында 442 мектепте 240 мыңнан аса оқушы келеді. Оқу дәстүрлі түрде басталады. Жаңа оқу жылында 1 сыныпқа болжаммен 22 мыңнан аса оқушы келеді деп күтілуде. Шектеу шараларына байланысты оқушылардың білімінде туындаған олқылықтардың орнын толықтыру- өзекті мәселе. Жаңа оқу жылында әрбір педагогке шәкірттерінің білімін толықтыру бойынша арнайы жұмысты ойластыру және тиімді жүргізу қажет болып отыр.
Биылғы оқу жылының ерекшеліктерінің бірі — А.Байтұрсыновтың әдістемесі негізінде әзірленген «Әліппе» мен «Букварь» пәндерінің қайтарылуы. Бірінші қыркүйек күні мектеп табалдырығын алғаш аттаған бүлдіршіндерге салтанатты түрде «Әліппе» және «Букварь» оқулықтары табыс етіледі. Мұғалімнің жүктемесі 18-ден 16 сағатқа азайтылды. Сабақ ұзақтығы 45 минутқа қайтарылды.
Осы оқу жылында еліміздің мектептері Қазақстан Республикасы Тәуелсіздігінің 30 жылдығын, ағартушы-ұстазымыз Ы.Алтынсариннің 180 жылдығын атап өтеді. Көрнекті педагогтің мұралары мен өсиеттері бүгінгі күнге дейін өзінің құндылығын жоғалтқан жоқ.
Күнде таңертеңгісін сабақ басталар алдында мектеп директорының оқушыларды қарсы алатын жақсы дәстүрі ұсынылып отыр. Облыстағы барлық білім беру ұйымы Ashyq жобасына қосылды. Мектепке бөгде адамдарға кіруге, бұқаралық іс-шараларды өткізуге тыйым салынады. «Бір сыныпқа бір кабинет» бекітілген» деп айтты.
Конференция соңында төсбелгілер
- Облыстың білім беру жүйесін жетілдіруге қосқан үлесі үшін келесілер облыс Құрмет грамотасымен марапатталады:
Қанапина Қарлыға Жамбылқызы – Мектеп олимпиадаларын және мектептен тыс іс-шараларды өткізетін облыстық орталығының «Бұқаралық-ұйымдастыру» бөлімінің меңгерушісі;
Семенюкова Валентина Борисовна – Тараз қаласы, №24 гимназиясының тарих пәнінің мұғалімі;
2. Білім беру саласына сіңірген еңбегі үшін Қазақстан Республикасының Білім және ғылым министрлігінің «Еңбек ардагері» медалімен марапатталады:
Егембердиев Батес Шайменқызы – Ардагер ұстаз
3. Білім беру саласын дамытуға қосқан үлесі үшін Қазақстан Республикасының Білім және ғылым министрлігінің «Ы.Алтынсарин» төсбелгісімен марапатталады:
Хожамұратов Тоймұрат – Тараз қаласы, Жамбыл атындағы №5 мектеп-гимназиясының қазақ тілі мен әдебиеті пәнінің мұғалімі;
Волотько Наталья Владимировна – Облыстық «Дарын» мектеп-интернатының география пәнәнің мұғалімі;
Наметқұлов Мұхит Жанұзақұлы – Байзақ ауданы, Ғ.Мұратбаев атындағы гимназиясының директоры;
4. Білім беру салаесын дамытуға қосқан үлесі үшін Қапзақстан Республикасының Білім және ғылым министрлігінің «Білім беру ісінің құрметті қызметкері» төсбелгісімен марапатталды:
Қыпшақбаев Қымбат Болатқызы – Жамбыл ауданы білім бөлімінің әдістемелік кабинетінің меңгерушісі;
Рожко Галина Николаевна – Дарынды қыз балаларға арналған мамандандырылған «БІЛІМ-ИННОВАЦИЯ» лицей-интернатының орыс тілі мен әдебиеті пәнінің мұғалімі;